Tag Archives: હિન્દુ

અયોધ્યા: ગઈકાલ અને આવતી કાલ


કાલે ઝી-ન્યૂઝ કે એવી કોઇ ૨૪ કલાક ચરકતી ચેનલ જોઇ રહ્યો હતો, એમાં બજરંગ દળના વિનય કટિયાર, અન્ય કોઇ મુસ્લિમ નેતા જેનું નામ યાદ નથી અને ત્રીજા જજ હતા મીં સોઢી… આ “તૈયણ” જણા સાથે  પ્રસુન્ન (કદાચ) બાજપાઈ અયોધ્યા વિવાદ અંગે વાત ચીત કરી રહ્યા હતાં, અને સામન્ય રીતે થાય છે એમ જ પ્રસુન્ન મહાશય હિન્દુ નેતાની રીતસર પાછળ પડી ગયા હતા –

આપકી પહેચાન ક્યા હૈ ? અને આપ તો આંદોલનકારી હૈ ? અને હવે કેમ વાતચીતથી મસલો સુલઝવવાની વાત કરો છો ? થી વિ.ક. ને ઉકસાવવાની કોશિશ કરી રહ્યા હતા.

હંમેશની જેમ મારા દિમાગમાં સવાલો ઊભરતા રહ્યા કે સાલ્લુ મિડિયા વાળાને આરએસએસ, વિહિપ, બજરંગ દળ અને ભાજપ વગેરે વગેરે ને જ કેમ “આડે હાથ” લ્યે છે? ઘણા અલગ અલગ જવાબનું સંકલન કરીને કહું તો એવું લાગે છે કે કદાચ એક હિન્દુ બીજા હિન્દુ ને એટલા માટે પજવતો રંજાડતો રહે છે કેમ કે ત્રીજો હિન્દુ એટલે કે આપણે પ્રજાને આ ભવાઈ જોવા હાજર હોય છે અને એની મજા માણે છે!

વધુ કંઇ હું લખું એના કરતા અને હવે (કદાચ) આ ભાષા કોઇ નહીં લખી શકે એટલે આપણા સૌના પ્રિય એવા બક્ષી સાહેબના જ અમુક આર્ટીકલ્સમાંથી અંશો વાંચો-

-x-x-x-x-x-

૧૯૯૩માં પડી ગયેલ હિંદુ મુસ્લિમ દરારની પાછળ બે-ચાર મહિનાઓની ઘટનાઓ નથી, એનો આરંભ ૧૯૦૬માં થયો હતો. કેટલાક માને છેકે એ પ્રક્રિયા ૧૦૨૬માં મેહમૂદ ગઝની સાથે, કે ૧૧૯૨માં શહાબુદ્દિન ઘોરી સાથે,કે ૧૫૨૬માં બાબર સાથે શરૂ થઈ ગઈ હતી. આજનો પ્રશ્ન વધારે સરળ છે. હિંદુ અને મુસ્લિમ ભારતવર્ષમાં વહેતા રક્તના લાલ કણ અને શ્વેત કણ છે? કે યુગોસ્લાવીઆના સર્બ  અને મુસિલમની જેમ તેલ અને પાણી બની ગયા છે? ઉત્તર કદાચ “આવતીકાલ”નો ઇતિહાસ આપશે..

(પુસ્તક -યાદ ઇતિહાસ. લેખ – ગુજરાત સમાચાર : એપ્રિલ ૨૫, ૧૯૯૩)

આગામી દશકો સુધી સુધી ભારતવર્ષનો ઇતિહાસ એક પ્રશ્ન પૂછતો રહેશે: બાબરી મસ્જિદ ધ્વંસની ઘટના ક્ષણના આવેગનો અકસ્માત હતો કે પૂર્વયોજિત હતી? …. ઇતિહાસપરિપ્રેક્ષ્યમાં આ પ્રશ્ન મુકાય છે,અને માત્ર જનક્રાન્તિ નામનો એક શબ્દ શેષ રહી જાય છે.

વિશ્વ ઇતિહાસમાં આવી દિશાપરિવર્તક ત્રણ ઘટનાઓ મારી દ્રષ્ટિએ છે:

(૧) જુલાઈ ૧૪,૧૭૮૯ : પેરિસના બાસ્તિલની કિલ્લાજેલ પર જનતાનો હુમલો અને બાસ્તિલનો ધ્વંસ અને ફ્રેંચ ક્રાંતિનો પ્રારંભ,

(૨)ઑકટોબર ૨૪/૨૫, ૧૯૧૭: લેનિનગ્રાદ કે સેંટ પિટસબર્ગ કે પેત્રોગાદના ઝારના મહેલ પર બોલ્શેવિકોનું આક્રમણ અને ઝારશાહીનુંપતન અને રશિયન ક્રાંતિનો પ્રારંભ

(૩)ડિસેમ્બર ૬, ૧૯૯૨: અયોધ્યાની બાબરી મસ્જિદ પર હિંદુ કારસેવકોનું આક્રમણ અને બાબરી ખંડન અને હિંદુસ્તાનના ઇતિહાસનો પૂરો યુ-ટર્ન.

…… એક દિવસ કદાચ જ્યાં બાબરી ઢાંચાની ઘુમ્મટો હતા ત્યાં રામમંદિરના ઝળહળતા કળશો ઊગતા સૂર્યના પ્રકાશમાં ચમકતા હશે…

(પુસ્તક -યાદ ઇતિહાસ. લેખ – ગુજરાત સમાચાર : માર્ચ ૧૪, ૧૯૯૩)

હિન્દુસ્તાનને અને ખાસ કરીને ગુજરાતને ધાર્મિક એખલાસ રાખવાની સલાહો આપવામાં પશ્ચિમના દેશો સતત સક્રિય રહે છે. સારૂં છે. વેરઝેર ન હોવાં જોઇએ, હળીમળીને ચાલવું જોઇએ, ભાઈચારો રહેવો જોઇએ. એ વિષે કોઇ મતાંતર હોવાનું કારણ પણ શા માટે હોવું જોઇએ? ……. પશ્ચિમી દેશો ગુજરાતને સલાહો આપતા રહે છે, કારણકે દ્રોહી સેક્યુલારીસ્ટો અપપ્રચાર કરવામાં એક્કા છે. અંગ્રેજીમાં ટી.વી.પ્રવક્તાઓ અને પત્રાકારો માટે સ્વછંદતા અને દેશદ્રોહની ભેદરેખા ભૂંસાઈ ચૂકીછે.

(પુસ્તક- ૬૪ લેખો, લેખ – સંદેશ : ફેબ્રુઆરી  ૨૩, ૨૦૦૩)

~ અમૃતબિંદુ ~

બદમાશને ફાંસીને માંચડેથી ઉતારી લો, અને એ તમને ફાંસીના માંચડે ચડાવી દેશે. – અંગ્રેજી કહેવત

(પુસ્તક- ૬૪ લેખો, લેખ – અભિયાન:એપ્રિલ ૧૨, ૨૦૦૩નું ક્લોઝ અપ)

10 ટિપ્પણીઓ

Filed under સમાજ, સાહિત્ય, Baxi Babu - Chandrakant Baxi

વિવાદનો મધપૂડો ….. સફળતાનું શહદ


કહેવાય છે કે સફળતા મેળવવા કરતા એને ટકાવવી અઘરી હોય છે. વિવાદાસ્પદ બનવાથી આ બન્નેમાં ઘણી મદદ મળી રહે છે . હંમેશા સફળતા માટે વિવાદની પ્રસુતિ જાણી જોઇને કરાતી નથી પણ હા, અમુકવાર સફળતા ટકાવવા લોકપ્રિયતાનો પારો ઊંચે કે વધુ ઊંચે લઈ જવા માણસને આવો કુવિચાર આવે ખરો અને નોર્મલ ડિલીવરીના બદલે ટેસ્ટ ટ્યુબ બેબી પદ્ધતિનો તો ઠીક સરોગેટનો પણ સહારો લઈ લેવાય છે.

ઘણા દાખલા છે કે જેઓની કોઇ ભૂલે વિવાદ પેદા કર્યો હોય  અને એ વિવાદે પહેલા જેટલું દુ:ખ/કષ્ટ આપ્યું હોય એ બધું એને ચક્રવૃધ્ધિ વ્યાજ સાથે સફળતાના રૂપમાં મળે છે યા તો એને એ રીતે રોકડી યાને એનકેશ કરતા આવડે છે. આવો રોકડીયો પાક લણવામાં  ઓશો… બક્ષી…મોદી… વગેરેને સારું ફાવે. ક્રમવાર એક એક દાખલો  લઈએ તો “સંભોગ સે સમાધી”,  “કુત્તી” અને “ગોધરા-અનુગોધરા કાંડ” .  પણ આ લોકોએ જાણી જોઇને કર્યુ હોય એમ નથી લાગતું પણ એના લીધે પડેલી તકલીફનો એ લોકોને “ફાયદો” ઊઠાવતા આવડયું.

એક કૉલમીસ્ટે જેમના (વર્ષો) પહેલાના લેખમાં વિવાદ ન આવે એવું (યાને તટસ્થ કહી શકાય)  સ્ટાન્ડર્ડ/પૉલીસી રાખી હોય એવું “પ્રતિત” થતું  પણ પછી કહાનીમેં ટ્વીસ્ટ મંગતા હૈ ના? ? આ વાતને અહીં અટકાવીને મૂળ વાત કરીયે તો – હમણાનો ‘હોટ ટૉપિક’ છે “હુસૈનને હિન્દુસ્તાન ક્યોં છોડા ?!”  આ વિષયને લગતી પ્રસ્તાવના કહી શકાય એવી  પોસ્ટ જોવા માટે અહિં કલીંક કરી શકો છો.

જેમ તમને ન ગમે કે ન સમજણ પડતી હોય તો અન્ય લોકો પાસે એવો દુરાગ્રહ ન રાખી શકો કે તમે પણ સમજણની આંખ બંધ કરી દો એ તમારી સ્વતંત્રતા છે. એ રીતે જ જો તમને કોઇ કૃતિ ગમતી હોય તો અન્ય પર બ્રેઈન-વૉશ કરીને કેમ (માનસિક) દબાણ કરી શકો કે તમે પણ તમારી (ન સમજી શકવાની) સ્વતંત્રતા ગુમાવી મારા એંગલથી સમજો …. વાંચો..વાંચો… અને વાંચો જ ! !

અને આમાં પણ ડબલ સ્ટાન્ડર્ડ હોય છે…. રાજકારણ જ નહી પરંતુ આખી દુનિયા વાંચી લીધાનો અહમ પાળી પોષીને લુચ્ચાઈનું લેવલ પાર કરી જવાની ધૃષ્ટતા. તમે રેગ્યુલર ઓરકુટ યુઝર છો… એની તરફદારી કરતા લેખો પણ ઘસડો છો પણ એ જ ઓરકુટના ઓટલેથી તમારી સામે કોઇ થાય એટલે એ ચિરકુટ બને જાય? પાનનો ગલ્લો બની જાય છે ?!

તમારી કોમ્યુનીટીમાં એક મેમ્બર આટલી હલકી રીતે લખે – વફાદારીની વાતો કરતો બક્ષી થોડાક વધારે પૈસા માટે સંદેશમાંથી ગુજરાત સમાચારમાં અને ગુજરાત સમાચારમાંથી દિવ્ય ભાસ્કરમાં લંગુરની જેમ કુદકા મારતો હતો જ્યારે જય સર ગુજરાત સમાચારને વફાદાર રહેલ છે… તો પણ તમે એને કંઇ ટોકતા નથી! કારણ ? રાજકારણ ? પણ આ જ વાતનું અલગ રીતે પુનરાવર્તન “સચ કા સામના” ટૉપિકમાં  થાય અને એ મોડરેટર (એટલે કે હું) એકપણ  પક્ષને કહેતો નથી…. વાત વધુ પડતી આગળ ચાલે છે અને બન્ને પાર્ટીને અટકવાનું માત્ર સૂચન કરૂં છું  તો એક પાર્ટી સહમત થાય છે. પણ પેલા લેખક જીવને એક સામાન્ય છોકરી છોલી નાંખે એટલે લુચ્ચાઈ..રાજકારણ યાદ આવી જાય ?!

અહીં ઓરકુટની વાત કરીને મુદ્દો આડે પાટે ચડાવતો નથી પણ બક્ષી જેવા લેખક (કે જેઓની આંગળી પકડીને જ તો પુસ્તક રસ્તે હાલતા શીખ્યા હતા એટલા માટે નહી) એના વિશે પાનના ગલ્લા જેવા ઓરકુટના ઓટલા પર સીંગલ પોસ્ટ લખી ને પેલા મેમ્બરને અટકાવી શકતા નથી અને હુસૈન ચાચાના (વિ)ચિત્રો માટે એ જ પાનના ગલ્લા પર કોણી ટેકવીને  છોકરાવની ટોળકી ભેગી કરી તાળીઓ વગાડાવવી એ સામે પણ વાંધો લેવાનો આપણને હક્ક નથી… એ એમનું સ્વાતંત્ર્ય છે.

ફરીથી વાતનો દોર સાંધીયે તો એક કલાકાર માટે બીજો કલાકાર કે જાગૃત, પ્રબુદ્ધ્ નાગરીક, લેખક તરીકે તમે અમારી આંખ નહી ખોલો તો કોણ ખોલશે? (અને એના પૈસા પણ મળે જ છે ને?) કાના બાંટવા ….કેયુર કોટક અને અન્ય લોકો અનુક્રમે છાપા-બ્લોગમાં લખે એ સમજણ વિનાનું કહીયે એ તો ઠીક, પણ સાહેબ તમે એના પગમાં ચપ્પલ શું કામ નથી?- એ સમજાવવા બેસી જાવ? એમ. એફ. ની  રજનીશની સાથે સરખામણી કરવી એનાથી વધુ રજનીશનું અપમાન થઈ જ ન શકે… અને રજનીશને હિન્દુસ્તાને તગેડી મૂક્યા હતા? ઓકે.. તો પછી અમેરીકામાંથી કયા દેશમાં પુનરાગમન થયું હતું? એણે છોકરાવોને “મફત”માં પેઇન્ટીંગ્સ આપી દીધા એ બધુ કદાચ પ્રસ્તાવના સમજીયે અને આશા છે કે આગામી લેખમાં હુસૈને કયા એંગલથી એ ચિત્રો ચિતર્યા એ સમજાવશે તો કદાચ હું એકાદ “મહાન” કલાકારને સમજી શકવાનું પૂણ્ય કમાઈ શકીશ..

~  અમૃત બિંદુ ~

નાગાઈ અને નગ્નતાનો ભેદ ન સમજી શકીએ આપણે  એટલા નાદાન છીએ?

6 ટિપ્પણીઓ

Filed under Art, ગુજરાત_ગુજરાતી, વૃતિ - પ્રવૃતિ, સાહિત્ય, Baxi Babu - Chandrakant Baxi

ગુજરાતને ખપે છે એક ભડવીર લેખક


ચંદ્રકાન્ત બક્ષી સાહેબની પૂણ્ય તિથિ નજદિક આવે છે પણ અત્યારે ફરી વધુ એકવાર જાણી સમજીને ગેરસમજણો  ઊભી કરાવામાં (બક્ષી સાહેબના શબ્દોમાં કહું તો) ગોબેલ્સની અનૌરસ ઔલાદના કિડાઓ ફરી ખદબદી રહ્યા છે ત્યારે આ પુસ્તકની ઝલક આપીને બક્ષી સાહેબને એડવાન્સમાં શ્રધ્દ્ધાંજલી.

(એક મિત્ર પાસેથી જાણવા મળ્યુ કે તેઓ ચોક્ક્સ નથી પણ કદાચ ચિત્રલેખામાં પણ આવું કંઇક વાંચવા મળ્યુ હતું કે ગોધરાકાંડ બાબત ચંદ્રકાન્ત બક્ષી, સૌરભ શાહ, નવભારત સાહિત્ય મંદિર વગેરે પૂર્વગ્રહ પિડિત છે. )

ગોધરાકાંડ : ગુજરાત વિરુધ્ધ સેક્યુલર તાલિબાન

નવભારત સાહિત્ય મંદિર દ્વારા ઑગસ્ટ 2002માં પ્રકાશિત થયેલ આ પુસ્તિકામાં બક્ષી સાહેબના ગોધરાકાંડ દરમિયાન અને પછી પ્રકટ થયેલ 21 લેખોનો સમાવેશ કરવામાં આવેલ છે.  જેની કિંમત રૂપિયા 65-00 છે. ઑનલાઇન માટે ખરીદી માટે અહિં કલીક કરી શકો છો.

આ બુકમાં ના અવતરણો ફેસબુક પર સ્ટેટસ સ્વરૂપે મૂક્યા છે પણ અમુક મિત્રોએ માંગણી મૂકીકે એ બધા અને એ સિવાયના પણ થોડા અંશોની એક બ્લોગ પોસ્ટ બનાવીને જે લોકોને ખબર ન હોય એને આ બુકથી અવગત કરાવી શકાય.

* ગુજરાતના મુખ્યમંત્રી માટે જેટલાં ગંદા વિશેષણો વપરાયાં છે, અને જેટલાં ગંદા નામો અપાયાં છે એટલા સ્વતંત્ર ભારતના આટલા વર્ષોમાં કોઇ રાજ્યના મુખ્ય્મંત્રી માટે વપરાયા કે અપાયાં નથી. હવે પ્રશ્ન નરેન્દ્ર મોદી નામની એક વ્યક્તિનો રહ્યો નથી, હવે પ્રશ્ન છે ગુજરાતના ગૌરવ, ગરિમા,ગર્વિતાનો, ગુજરાતની અસ્મિતાનો, ગુજરાતના અસ્તિત્વબોધનો !

* અંગ્રેજી છાપાંઓના પત્રકરો  હજી બાલકાંડમાં છે, અંગ્રેજી ટીવીની સુંવાળી ઉદઘોષિકાઓને, જેમ નાના બાળકને પોતાના પેશાબમાં છબછબિયાં કરવાની મજા પડી જાય એમ,ગુજરાત વિષે, આપણી પિતૃભૂમિ ગુજરાત વિષે, અનાપશનાપ બકવાસ કરતા રહેવાની મઝા પડી ગઈ છે.

* વી.પી.સિંહ મુસ્લિમોના જૂના વહાલા છે અને એમણે કહ્યું કે હિંદુરાષ્ટ્ર વાળાઓએ દેશની આઝાદી માટે ક્યારેય કંઇ કર્યુ નથી. આવું ચાલશે તો હિન્દુતાન બોસ્નિયા બની જશે. પાકિસ્તાનમાં જનરલ મુશર્રફને જુઓ, એ કોમવાદ દબાવવા માટે કેવાં પગલાં લઈ રહ્યાં છે ?

* આખું કચ્છ 2001ના ભૂકંપમાં તબાહ થઈ ગયું. દુનિયાભરની પ્રેસ ફોટા લઈ ગઈ, પરંતુ કોઇએ એક પણ ગુજરાતીનો ફોટો ભીખ માંગતો જોયો છે? હું એ વાત જરાય સ્વીકારતો નથી કે તાજેતરનાં હુલ્લ્ડો બાદ ગુજરાતની આર્થિક અધોગતિ થઈ જશે. ગુજરાતી પ્રજાએ વાવાઝોડાં, દુકાળ,ધરતીકંપ અને હુલ્લ્ડો જોયા છે. આ પ્રજા પાસે એક જબરદસ્ત જિજીવિષા છે. આપણે ફિનિશીઅન અને આર્મેનિયન પ્રજા જેવા છીએ.

* મુસ્લિમ પાસે આગ લગાડીને ‘કાળું” કરવાનો અધિકાર હોય તો હિંદુ પાસે પણ છરો મારીને ‘લાલ’ કરવાનો અધિકાર આપોઆપ આવી જ જાય છે એ સત્ય હકીકત સ્વીકારવી જ પડશે.

* આયોધ્યામાં રામજન્મભૂમિ પર રામમંદિર હિંદુઓ બનાવે તો હિંદુસ્તાનના બૌધ્ધ, ખ્રિસ્તી, જૈન, પારસી લોકોને એટલે કે લઘુમતિઓને કોઇ વિરોધ નથી. પણ એક લઘુમતિ એટલે કે મુસ્લિમ લઘુમતિ અને આ પૂરી લઘુમતિ નહીં પણ એના અત્યંત ટૂંકી દ્ર્ષ્ટિવાળા, કટ્ટર, પછાત નેતાઓ દરેક કદમ પર વિરોધ કરી રહ્યાં છે.

-x-x-x-x-x-x-x-x-x-

અંગ્રેજીમાં પણ કોઇને આ જ પ્રકારની માહિતી સભર પુસ્તક વાંચવુ હોય તો   –

Godhra: The Missing Rage: S K Modi

Godhara missing rage - S.K.Modi

અંગ્રેજીમા લખતા આ લેખક અમદાવાદમાં રહે છે…અને ગોધરાકાંડ પરનું આ (કદાચ) એકમાત્ર અંગ્રેજી પુસ્તક છે જેમાં હિન્દી-અંગ્રેજી મિડીયાના બદદાનતી અને એકતરફી રિપૉર્ટિંગનો પર્દાફાશ કરવામાં આવ્યો છે. (આવું ઓરકુટ પર મિત્ર નેહલ મહેતાનું સ્ટેટમેન્ટ છે. )

{ બન્ને ઇમેજનું સ્કેનીંગ મદદ કરવા બદલ નેહલ મહેતાનો આભાર. }

~ અમૃત બિંદુ ~

જો ૨૩ કરોડ હિન્દુઓ  ૭ કરોડ મુસલમાનો ની સામે પોતાનો બચાવ કરવાની તાકાત ન ધરવતા હોય તો કાંતો હિન્દુ  ધર્મ ખોટો છે કાંતો એમા માનનારા નામર્દ અને અધર્મી હોવા જોઇએ.હિન્દુ મુસલમાનો વચ્ચે કૃત્રિમ સુલેહ પોતાની તલવાર વતી અંગ્રેજ સરકાર જાળવે તેના કરતા હિન્દુ મુસલમાન તલવારથી મુકાબલો કરી હિસાબ ચોખ્ખો કરી લે એ હુ વધારે પસંદ કરુ.

 

ગાંધીજી
‘નવજીવન’
૨૯ ઓગસ્ટ ૧૯૨૦

16 ટિપ્પણીઓ

Filed under ગુજરાત_ગુજરાતી, સંવેદના, સાહિત્ય, Baxi Babu - Chandrakant Baxi

ચાણક્ય – એક શિક્ષક ક્યા કર શકતા હૈ?


આ પોસ્ટમાં વધુ લખવું નથી, દેખાડવું  છે. નો નો, ડૉ ન્ટ થીંક્  કે મેં કોઇ સ્ટીંગ ઑપરેશન કર્યુ હશે. LoL.

એક્ઝામનો માહોલ છે.. મિડિયા પરીક્ષાની વાતોથી છવાયેલું છે, પણ આપણે પરીક્ષા કે વિદ્યાર્થીઓની બદલે શિક્ષક વિશેની એક ક્લીપ જોઇએ.. જે મારી બે ઑલ ટાઈમ ફેવરીટ સિરિયલ્સ (“મહાભારત” – “ચાણક્ય” )માં ની એક નાની ક્લીપ.

(Special THX to Dear Friend Paresh Bheda )

5 ટિપ્પણીઓ

Filed under એજ્યુકેશન એન્ડ પેરેન્ટીન્ગ, સંવેદના

આજ કી બાત


કરો યોગ.... રહો નિરોગ

કરો યોગ.... રહો નિરોગ

 

 

અમારા ગાંધીધામમાં બાબા રામદેવની યોગ શીબીર ચાલી રહી છે, લોકો એ યોગ કરવો જ જોઇએ, યોગ કરતા યોગા શબ્દ વધુ પ્રચલિત થઈ રહ્યો છે અને એમાં કશું ખોટુ નથી, શબ્દ સે ક્યા મતલબ?  ઉલ્ટાનું યોગા શબ્દથી યંગ જનરેશન પણ એ તરફ વળી રહી છે સારી વાત છે.

 

હવે મૂળ વાત કે અમુક વખતથી એક વાત મનમાં અને દોસ્તો સાથે ચર્ચામાં રહેતી કે હિન્દુઓનું કોણ? આપણી સંસ્કૃતિ હતી અને છે એને જાળવી રાખવા માટે કોણ અને શું કાર્ય કરે છે? ખાલી કોઇની છોકરીઓને અન્ય જ્ઞાતિ / કોમના છોકરા સાથે લગ્ન ન કરી જાય એ ધ્યાન રાખવા વાળી સંસ્થા, સેના પરિષદ કે દળ આપણુ અને આપણી સંસ્કૃતિનું જતન રક્ષણ કરશે? કે પછી એવા સાધુ બ્રહ્મચારીઓ કે જે સ્ત્રી સામે જોવામાં પાપ સમજે છે પરંતુ કોલગર્લ કે બાળકો માટે વિકૃતિ ધરાવે છે?

 

પરંતુ આ બધીનો નેગેટીવ વાતો થઈ, શું આપણા પાસે પોઝીટીવ કંઇ છે જ નહી? અને જો બધુ નેગેટીવ હોય તો પછી ગર્વ સે કૈસે કહેંગે હમ હિન્દુ હૈ?! પણ હા છતાંપણ મને ગર્વ છે , રીસ્પેક્ટ છે હિન્દુ પ્રત્યે, હિન્દુ સંસ્કૃતિ પ્રત્યે, ભારત અને ભારતીય પ્રત્યે. કેમ કે આ એ સંસ્કૃતિ/ધર્મ/કોમ છે જ્યાં તમને ઉપર કહ્યા એવા બધા (અર્ધ સત્ય હોવા છતાં) લાંછન લગાવવાની આઝાદી છે. જ્યા તમે ભગવાનને પણ ગાળ દઈ શકો એ  સ્વછંદતા છે તો સામે પક્ષે એ સહન કરવાની સહનશક્તિ પણ છે અને વધુ હોશિયારી કરીયે તો પરચો દેખાડવાની શક્તિ પણ છે. સ્ખલન ક્યાં નથી? કોના ધર્મ, કોમ દેશમાં નથી? એનો મતલબ એવો પણ હરગીઝ નથી કે એવા સ્ખલનોને ચલાવી લેવાની ગુસ્તાખી કે કાયરતાને નિભાવી લેવી. પરંતુ જેઓને આવું દેખાય છે એમણે જરા આ માત્ર પાંચ નામ પર પણ નજર નાંખવી જોઇએ . સિર્ફ નામ હી કાફી હૈ ના ધોરણે એમના વિશે વધુ કંઇ લખવાનો પ્રયાસ કરતો નથી અને આ લીસ્ટ સંપૂર્ણ નથી માત્ર ઝલક જ છે.

 

પુજ્ય મોરારીબાપુ

પુજ્ય બાબા રામદેવ

પુજ્ય સ્વામી સચ્ચીદાનંદ

પુજ્ય પ્રમુખ સ્વામી

પુજ્ય રમેશભાઈ ઓઝા

 

 

 

 

 

3 ટિપ્પણીઓ

Filed under વૃતિ - પ્રવૃતિ