પેડલ પર પૃથ્વી પરકમ્મા (સાહસની સત્યકથા)


પુસ્તકનાં ૨૦ પ્રકરણમાંથી ૧૯માં પ્રકરણનાં વાંચન દરમ્યાન ખબર પડી કે આજે ૧૮ માર્ચ પણ આજથી ૮૭ વર્ષ પહેલાનાં એક દિવસ પહેલા એટલેકે તારીખ ૧૭ માર્ચ ૧૯૨૮નાં દિવસે મુંબઈના કુર્લા પહોંચ્યા હતા ત્રણ સાહસવીરો,

જેઓ એ લગભગ સાડા ચાર વરસમાં ૪૪૦૦૦ માઈલ, ૨૯ દેશો (આજના હિસાબે ૩૯ દેશો)ની પેડલ પર પૃથ્વી પરકમ્મા કરી હતી ! ! ! જેને શરુ કરી મધ્યમવર્ગીય છ સાહસવીરોએ તારીખ ૧૫મી ઓક્ટોબર ૧૯૨૩ના રોજ.

મહેન્દ્ર દેસાઈ  લિખિત 'પેડલ પર પૃથ્વી પરકમ્મા'

મહેન્દ્ર દેસાઈ લિખિત ‘પેડલ પર પૃથ્વી પરકમ્મા’

એક ભારતીય, એક ગુજરાતી તરીકે ના માત્ર ગર્વ પરંતુ અહોભાવ સાથે એ છ સાહસવીરોની છબી મનમસ્તિષ્ક અને હ્રદયમાં હંમેશા અંકિત રહેશે, બેશક એમાંથી એક પણ સાહસવીરની તસ્વીર જોઈ નથી પણ લગભગ ૨૦-૨૫ દિવસોથી ટુકડે ટુકડે આ પુસ્તક વાંચું છું એના લીધે એક –એકની છબી ઉભરી છે.

આપણે પોતાના ઘર-ગામ-રાજ્ય કે દેશનાં કમ્ફર્ટ ઝોનમાં રહીને હોંશિયારી મારવી એ અલગ વાત છે કે પછી પોતાના દેશને છોડીને અન્ય દેશમાં વસીને પોતાના દેશને ગાળો દેવી અને ગુલબાંગો હાંકવી એ પણ અલગ વાત છે  પરંતુ મેં એક વાત નોંધી છે કે જો ખરેખર તમે કંઈક પ્રાપ્ત કરશો યા તો ખરેખર કોઈક અસામાન્ય પરિણામ માટે યોગ્ય ઠરશો તો એ નમ્ર જ બનાવશે અને દંભ વગરના આધ્યાત્મિક જ બનાવશે, સાથે સાથે તમારા દેશ, સંસ્કૃતિ પર તમારો આદરભાવ વધશે એ પાક્કું, પાક્કું અને ૧૦૦ % પાક્કું .  આ  વાતને દ્રઢ બનાવી છે આ પેડલ પર પૃથ્વી પરકમ્મા તથા અન્ય પુસ્તકોએ એમાંથી યાદ આવે છે એટલાનું નામ લખું તો

અતુલ કરવલ (ગુજ અનુવાદ – સૌરભ શાહ) ની  થિંક એવરેસ્ટ

કાકા સાહેબ કાલેલકરની હિમાલયના પ્રવાસ

સ્વામી રામ (સંપાદન : સ્વામી અજય, ગુજ અનુવાદ – કુન્દનિકા કાપડિયા)ની હિમાલયના સિદ્ધ યોગી

અમૃતલાલ વેગડની પરકમ્મા નર્મદા મૈયાની (અને એ પર એમની આખી શ્રેણી)

ધ્રુવ ભટ્ટની તત્વમસિ

સામાન્ય રીતે તો દરેક વાંચન પછી એ વિશે બ્લોગ લખવાની ઈચ્છા હોય છે પણ અન્ય નામ/બહાના ના દેતા સીધું જ કહું તો આળસનાં લીધે લખી શકતો  નથી.

(વધુ એક) સામન્ય રીતે વાંચન વિશેની દરેક બ્લોગ પોસ્ટમાં જે તે પુસ્તકના અવતારણો તો મૂકીએ જ પણ એ બધું સમયાંતરે FB પર મૂકતો રહીશ

પરંતુ અહિંયા જે લોકો પણ આ બ્લોગ પોસ્ટ વાંચે એમને ખાસ  ખાસ આગ્રહ કે આ પુસ્તક ખરીદજો જ ખરીદજો. આમાં ન માત્ર સાહસ છે પણ દુનિયામાં પોતાના દેશનું  શું સ્થાન છે એ પણ છે અને સ્વાભાવિક છે કે આમાં ઈતિહાસ-ભૂગોળ તો આવરી લેવાય જ હોય એટલે  જો ખરીદવા જવા માટે અથવા તો તમારી નજદીકમાં એ શક્ય ન હોય અને જો લાયબ્રેરીમાં હોય તો એ લઈને વાંચજો પછી જ્યારે પણ કોઈ બૂક લેવાની હોય ત્યારે આ સૌથી પહેલી લેવી . ઉપર લખી એ પણ  લેવા જેવી ખરી જ પણ આ ‘પેડલ પર પૃથ્વી પરકમ્મા’ તો ખાસ લેવી જ લેવી <- આટલો (તો શું જરા પણ) આગ્રહ મેં કદી કોઈ બૂક માટે નથી કર્યો પણ આ બૂક વિશે આગ્રહ કરતા મને આનંદ આવે છે અને ગેરંટી કે જો ના ગમે તો મને પુસ્તક આપી દેજો હું એના ડબલ પૈસા આપીશ !

~ અમૃત બિંદુ ~

પુસ્તક – ‘પેડલ પર પૃથ્વી પરકમ્મા’

(૨૦ જૂન ’૮૩ થી  ૨૪ ઓક્ટોબર ’૮૩ સુધી ચિત્રલેખામાં હપ્તાવાર છપાયેલ)

લેખક – મહેન્દ્ર દેસાઈ      (પ્રથમ આવૃત્તિ ૧૯૮૪) – (બીજી ૨૦૦૪) – (ત્રીજી ૨૦૧૨)

કિંમત : 300 રૂપિયા

પ્રકાશક –

પ્રવીણ પ્રકાશન પ્રા.લિ.

લાભ ચેમ્બર્સ, મ્યુ.કોર્પો.સામે,

ઢેબર રોડ, રાજકોટ.

ફોન નંબર – (0281)2232460 / 2234602

Email – pravinprakashn@yahoo.com

ISBN : 978-81-7790-577-9

Advertisements

6 ટિપ્પણીઓ

Filed under ગુજરાત_ગુજરાતી, સમાજ, સાહિત્ય, Reading

6 responses to “પેડલ પર પૃથ્વી પરકમ્મા (સાહસની સત્યકથા)

  1. 1] રજનીભાઈ આ પુસ્તક વિષે એક વાત : હું પ્રવીણ પ્રકાશન’માં જાઉં ત્યારે ક્યારેક ને ક્યારેક આ પુસ્તક નજરે ચડે અને તત્કાલીન ક્ષણે ચાર પાંચ બુક્સ લેવાઈ ગયા બાદ આ પુસ્તક’ની કિંમત’થી બજેટ વધી જાય અને હું પાછું મૂકી દઉં ! . . . પણ એકવાર જયારે હું ત્યાંના ખાનાઓ ફંફોસતો હતો ત્યારે આ જ પુસ્તક’ની અત્યંત જૂની આવૃત્તિ હાથમાં આવી ગઈ કે જે માત્ર 35 રૂ.ની આસપાસ જ હતી !! અને તે મેં લઇ લીધી [ જોકે હજુ સુધી વાંચી નથી , એ વાત અલગ ! ]

    2] બાકી તમે જે અન્ય પુસ્તકો ભલામણ કર્યા , તેમાંથી ‘ થિંક એવરેસ્ટ ‘ વંચાઈ ગઈ અને મારા બ્લોગ પર મેં તેનો ઉલ્લેખ પણ કરેલો [ http://wp.me/p2z7vI-1Lg ] , હિમાલય’નાં સિદ્ધ યોગી પણ વંચાઈ ગઈ , જયારે અન્ય ત્રણે પુસ્તકો પાસે છે પણ તેમના સુધી પહોંચવાનો પ્રવાસ શરુ નથી થયો . . .

    • rajniagravat

      જૂની આવૃત્તિ? અરે વાહ સરસ !
      ખરેખર તો એ અમૂલ્ય ગણાય !
      તમારી પોસ્ટ વાંચી નથી પણ હવે વાંચવી જ છે
      કેટલાય સમયથી મારા કે અન્યના બ્લોગ પર જવાતું જ નથી પણ એમ થાય છે કે એફ્બી ને સાઈડ કરી ફરી આ લ્હાવો લૂંટવા જેવો છે.

  2. readsetu

    રાજનીભાઈ, મારા દીકરાને, જ્યારે તે સ્કૂલમાં ભણતો હતો ત્યારે એને આ પુસ્તક ‘પેડલ પર પૃથ્વી પરકમ્મા ભેટ આપી હતી (આજે તે 39 વરસનો છે.) એને બહુ ગમી હતી. આજે એમ લાગે છે કે શોધીને અથવા ન મળે તો ફરી ખરીદીને વાંચું.. બીજા પુસ્તકો જે તમે સૂચવ્યા છે એ મારી પાસે લેવાયેલા છે. અમુક વંચાયા છે અમુક બાકી…

    • rajniagravat

      લતાબેન તમારા તરફથી તમારા દીકરાને એ (અને આવા તો કેટલાય પુસ્તકો આપ્યા હશે જ) અમૂલ્ય ભેટ મળતી રહી હશે એટલે તેઓ નસીબદાર કહેવાય અને સાથોસાથ તમે પણ
      નહિતર ઘણા લોકોએ આવું કરવું હોય પણ યા તો વાંચનમાં રસ ના હોય યા તો (એના કરતા પણ ખરાબ) ગુજરાતી આવડતું ન હોય! !!

  3. પુસ્તક પરિચય તમે લખેલો કોપી કરુ છું રજનીભાઈ, પેટ્રોલ ની માંગણી કરવી નહી 😉

  4. પિંગબેક: Pedal Par Pruthvi Parikrama - Buy Gujarati Books Online

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s