બક્ષી સાહેબની પૂણ્યતિથિ_૨૦૧૩


આમ તો વ્યક્તિ આ દુનિયામાં હોય ત્યારે એક અને ન હોય ત્યારે બે વાર તો ખાસ યાદ કરાય જ છે. હું પણ કરી લઉં છું તો ક્યારેક એમ પણ લાગે કે આખી દુનિયા જે દી’ યાદ કરે, તે દિવસે તો એમને ‘બક્ષી’ દેવા જોઈએ…

હા, તો આજે બક્ષી સાહેબની પૂણ્યતિથિ છે, સૌ કોઈ યાદ કરશે અને એમાં  ખોટું પણ શું છે? આજે થયું કે હું પણ બક્ષી વિશે ટૂંકી (પણ બે) વાત કરી દવ, જે ઘણા દિવસથી આંખ થકી મનમાં ‘માર-ફાડ’ કરે છે.

૧-બક્ષી વિશે મારા વિચાર/મારું માનવું  –

મારા માટે પૈસા જેવા છે. એટલે કે પૈસા સર્વસ્વ નથી પણ પણ પૈસા ઘણું બધું છે. પૈસા વગર કોઈ કે પૈસા થકી ઘણા બધા દંભ થઇ શકે અને કરે છે એવી જ રીતે અમુક લોકો બક્ષી સાથે અમારે આમ હતું અને તેમ હતું કરે અને અમુક લોકો બક્ષી વગર જ અમારે હાલતું/હાલે છે ના દંભમાં પણ રાચતા હોય છે. પૈસા જ માણસનો (બધી રીતે) માપદંડ નથી એવી જ રીતે બક્ષી પણ માપદંડ નથી કે જેઓએ વાંચ્યા એ જ્ઞાની અને ન વાંચ્યા એ અબૂધ! પસંદ અપની અપની છે.

૨- બક્ષી વિશે નેટ જગતમાં –

મોટો ત્રાસ એ થાય કે લોકો બક્ષીથી એવા ઈમ્પ્રેસ થઇ જાય કે લોકોને જાણ્યે વધુ અને અજાણ્યે ઓછા બક્ષી સ્ટાઈલથી ઈમ્પ્રેસ કરવાના પ્રયાસમાં સતત રાચતા રહે અને એ માટે વધુ કશું કરવાની તસ્દી નથી લેતા, માત્ર મન પડે એવા એટલે કે ગમે તેવા નહી પણ ‘ગમે એવા’ શબ્દોનો ફાલૂદો બનાવી નાંખે અને ગુજરાતી શબ્દો/વિચારને મારી મચડીને ‘અગુજરાતી’ બનાવીને મૂકે અને માને કે બક્ષી થઇ ગયા!!

ખરેખર તો બક્ષીને આ ખબર પડે તો સૌથી વધુ ‘ખારા’ એ જ થઇ જાય.

~ અમૃતબિંદુ ~

બક્ષી સાહેબ વિશેની (મારી) અગાઉની  પોસ્ટ્સ 

Advertisements

20 ટિપ્પણીઓ

Filed under સાહિત્ય, Baxi Babu - Chandrakant Baxi

20 responses to “બક્ષી સાહેબની પૂણ્યતિથિ_૨૦૧૩

  1. druv trivedi

    રજનીભાઇ,નેટ પર અને ઘણા લેખકો પણ ગમે તેવા નહી પણ ‘ગમે એવા’ શબ્દોનો ફાલૂદો બનાવી નાંખે અને ગુજરાતી શબ્દો/વિચારને મારી મચડીને પોતે બુધ્ધિ પ્રદર્શન કરતા રહે છે!

    • rajniagravat

      હા, ધ્રુવભાઈ, મેં એવા લેખકો વિશે જાણીને જ નથી લખ્યું કેમ કે એ લોકો તો ‘હમ નહી સુધરેંગે’નો મંત્રજાપ કરતા હોય છે, અને વાચક એટલો સમજદાર હોય છે કે દૂધ-પાણી અલગ કરી જાણે પરંતુ આપણા જેવા સામાન્ય લોકો જો આવી વૃતિથી બચે તો ક્રિયેટિવ બની શકે એવું માનવું છે.
      પેલા લોકો તો જડ જેવા છે એમનામાં કોઈ ફેરફારની શક્યતા હોતી જ નથી.

  2. બક્ષી જેવી શૈલી કે વિચારો જરા પણ સામ્યતા ન ધરાવતા હોય તેવા લેખકોના લખાણોને પણ કેટલાક ચક્રમો વાહ તમે તો બક્ષી જેવું લખો છો એવું કહી અધૂરા ઘડા છલકાવતા રહે છે.

    • rajniagravat

      વિરલભાઈ,
      અમુક બ્લોગ લહિયા તો સામેથી કહે કે લોકો મને કહે છે તમે બક્ષી જેવું લખો છો!

      (એમની મહાનતા (!)જુવો કે તેઓ નથી કહેતા પણ જે કહે છે એમને ટાંકે છે !!)

  3. druv trivedi

    રજનીભાઇ આજે ધણા ગુજરાતી લેખકો ચંદ્રકાંત બક્ષી જેવા બનવા માંગે છે,જ્યારે કોઇ એક હદથી વધુ તમે કોઇની નકલ કરો,ત્યારે તમારી ખૂદ ની પ્રતિભા જાંખી પડતી જાય છે.

    # નકલ શરુઆતી સફળતા અપાવી શકે,કાયમી કદાપી નહિ!!

  4. મેં બક્ષીને ક્યારેય વાંચ્યા નથી. વાંચવાની ઈચ્છાયે થઈ નથી. જો કે બક્ષીપ્રેમીઓ ના ઝનુન મેં જોયા છે. ક્યારેક બક્ષી રસ્તામાં આવી ચડશે તો તેને ય વાંચી કાઢીશ.

    બક્ષીને જાણ્યા કે સમજ્યાં વગર જ શ્રદ્ધાંજલી…

    • બક્ષી કંઇ મેઇલમાં આવી પડેલી સ્પામવાણી નથી કે ગમે ત્યારે રસ્તામાં આવી પડે. એ માટે બક્ષીમય બનવું પડે!!

    • rajniagravat

      અતુલભાઈ,
      સાચુ છે જે લોકો ઝનુન બતાવે એ માત્ર ઝનુન સુધી જ સિમિત રહે છે. ચાય કીટલી ગરમ હોય તો એ બંનેની પ્રકૃતિ સમજાવી , ના તો એમાં ચાય નો વાંક છે , ના તો કીટલીનો, આપણને અનુકુળ આવે એવી ચાય હોય તો પી નાંખવી અન્યથા ઢોળી નાંખવી એવું હું કરું છું.
      સાથે સાથે એ પણ ખરું કે અમુક લખાણો માત્ર ચાય જેવા નહી શરાબ જેવા જલદ હોય છે, જે હર કોઈને માફક ન આવે..આમાં પણ પણ એ ‘પ્રવાહી’ નો દોષ ન માનવો 😉

  5. હરનેશ સોલંકી

    શ્રધ્‍ધાંજલી… કે શબ્‍દાંજલીની પણ એક મેનર હોય…. આજે બક્ષી… બક્ષી…થઇ રહયું છે પણ જયારે જયારે ગુજરાત અને ગુજરાતીને અન્‍યાય થાય છે ત્‍યારે ત્‍યારે એક ગુજરાતી ઝનુન શ્રી બક્ષીસાહેબને વાંચ્‍યા..સમજયા…વિના ન આવે.. યાર બાદશાહો….

    • ભાઈ હરનેશજી

      બક્ષી સાહેબ કે બક્ષીબાબુ કે જેમને મેં વાંચ્યા જ નથી તેમના વિશે મને શું ખબર હોય? ઝનુની બનવા માટે હું જન્મ્યો નથી મારી પાસે બીજા ઘણાં કામ છે. ઘણાં ઝનુનીઓના સ્વાર્થ સધાઈ જાય એટલે ઝનુન ઓસરી જતા મેં જોયા છે. હું તો ઈચ્છું કે મારી પાસે મારી પોતાની એક ખુમારી હોય હોય. બક્ષીબાબુ કે બીજા કોઈને વાંચીને તે શા માટે ઝનુની બનવું જોઈએ? ગુજરાતને અન્યાય થાય તો ગુજરાતી તરીકે મેળે મેળે ઝનુન જાગવું જોઈએ કે તે માટે બક્ષીબાબુ વાંચવા બેસવા જોઈએ?

    • rajniagravat

      હરનેશભાઈ,
      આમ તમારી વાત સાચી છે પણ બક્ષીને વાન્ચ્નારાઓએ આવી વાત પચાવવી અઘરી ન હોવી જોઈએ કેમ કે ખુદ બક્ષી પણ ક્યાં કોઈની શ્રધાંજલિમાં કોઈ શબ્દ/વિચાર ચોરીને મૂકતા?!

  6. પિંગબેક: મીસીંગ બક્ષીબાબુ | મારા વિચારો, મારી ભાષામાં!

  7. બક્ષી મને એમની વાર્તા માટે જેટલા ગમ્યા છે એટલા નવલકથા માટે નથી ગમ્યા જે સંખ્યામાં નવલકથા લખી છે એ પ્રમાણમા તો નહીંજ આકાર,્પેરાલીસીસ, સમભાવ બહુજ સરસ અયનવ્રુત બક્ષીજ લખી શકે ઝીંદની અને સુરખાબ સારી બાકી ……પણ ટુંકી વાર્તા માટે બક્ષીની ભાષામાં કહીએ તો”મારા પહેલાં ને મારા પછી એક ફરક હશે અને એ ફરક મારા લીધે હશે” વાર્તા માટે બક્ષી ની આસપાસ દુર દુર સુધી કોઇજ નથી

    • rajniagravat

      હા, જયેશભાઈ..બક્ષીને વાંચતા/માણતા આ અનુભવી શકાય કે મૂળે એ શોર્ટ સ્ટોરીનો જીવ પણ નવલકથા અને ત્યારબાદ કૉલમથી જ એમને પૈસા અને પ્રસિદ્ધિ મળી.

      આપણે ગુજરાતી વાચકમાં બહોળો વર્ગ કદાચ શોર્ટ સ્ટોરીના ભાવક નથી કેમકે એ આપણું લેવલ નથી!

  8. M.D.Gandhi, U.S.A.

    દરેક લેખકની પોતાની લખવાની રીત-સ્ટાઈલ હોય છે, ખરો વાંચક તો એ છે કે જે કોઈ લેખકને એક વાર વાંચે અને ન ગમે તો બીજી વાર ન વાંચે, અને ગમે તો, તેનું જેટલું પણ બની શકે તેટલું મેળવીને વાંચે. તેમાં કોઈ લેખકને ઉતારી પાડવાનો સવાલ જ નથી ઉદભવતો.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s