જવાબદાર કોણ ?


વરસો પહેલા ‘અભિયાન’માં ચંદ્રકાંત બક્ષીનો એક લેખ વાંચેલ. ટાઈટલ પાક્કું યાદ નથી પણ કંઈક આવું હતું: ‘તમારી પત્નીને તમે વિધવા બનતા શીખવો !’

જયશ્રીની એક ફ્રેન્ડ કે જે રાજકોટ રહે છે એના પતિનું એકાદ વરસ પહેલા (એટેકથી)અવસાન થયેલું. સાતમ-આઠમ પર મોરબી ગયેલા ત્યારે એમની સાથે મુલાકાત થઇ અને એમના પર જે ગુજર્યું અને તેઓ જે પરિસ્થિતિમાંથી ગુજરી રહ્યા છે એ જાણીને સામાન્ય રીતે કોરી રહેતી આંખ પણ ભીની થઇ, સાથે સાથે વિચાર આવ્યો કે આ ભોટપણું કહેવાય કે સરળતા કે બેવકૂફી ?

 આખી વાત આવી છે:

એ બેનના પતિએ જલ્સાથી જિંદગી જીવી હતી એની વાત તો મને જયશ્રીએ કહી હતી. હંમેશા ગાડીમાં જ પરિવારને ફેરવ્યા છે.

ઘણા પરિવારોમાં હોય છે એમ રસોડા અલગ પણ ધંધા સાથે હતા.

પણ એ બેનના પતિના અવસાન બાદ એના નાના ભાઈએ એમના બેંક એકાઉન્ટ અને પોલિસી બધામાંથી થોડાં થોડાં દિવસના અન્તરે આવીને આ બેનની સાઈન લઇ જતા અને છેલ્લે તો આ બેનની દિકરીના મેરેજ પર જ ઘમાઘમીનો (ગેર)ફાયદો ઉઠાવીને ૬૦ લાખના મકાનના પેપર પર પણ સાઈન કરાવી ગયા! અને આમને થોડાક જ મહિનામાં નવરા કરી દીધા!

આજે પરિસ્થિતિ એ છે કે આ બેન એમના બે બાળકો અને સાસુ સાથે એકદમ નાના મકાનમાં ભાડે રહે છે, અને માત્ર પંદરસો રૂપિયામાં ‘રસોઈ’ નું કામ કરે છે. એક સમયે જેઓ (મધ્યમ વર્ગના કહી શકાય એવાં) જલ્સાથી રહેતા અને ગમે એને મદદ કરી શકતા આજે તેઓ ૧૫૦૦ રૂપિયાના પગાર અને વિધવા પેન્શન પર ગુજારો કરે છે!

 લોકો (ઈન્ક્લુડીન્ગ માય વાઈફ) એમના દેર ને કોશે છે પરંતુ મારા હિસાબે તો આમાં આ બેન અને એમના પતિ જ આ પરિસ્થિતિ માટે જવાબદાર ગણાય. એમના પતિએ તો કદી આમને દુનિયાદારી શીખવી નહિ અને અમરપટ્ટો લખાવીને આવ્યા હોય એ રીતે જલ્સા (!) કર્યા અને આ બેન પણ એમના દેર જ્યારે અને જેમ કહે એમ આંધળા વિશ્વાસ સાથે સાઈન કરીને પોતાની કમનસીબી જાતે જ લખી લીધી.

-x-x-x-x-x-

આમપણ આપણો સમાજ પુરુષ પ્રધાન છે એ તો ખ્યાલ જ છે અને સ્ત્રીઓ પણ ભોટ બનીને એવી રીતે જીવે કે આપણને એમ થાય કે હજુ પણ આ લોકોમાં અક્કલ નથી આવી? !  આ વાંચીને નારી તરફેણ કરનાર લોકો પુરુષને ગાળો આપવા તલપાપડ થઈ શકે પરંતુ સીધી વાત છે, કોઈ તમને ત્યારે જ દબાવવાની કોશિશમાં કામયાબ રહે જ્યારે તમે અશક્ત હો.

વિધવા કે ડીવોર્સી (ઇનશોર્ટ, પુરુષ સાથે નથી એવી) સ્ત્રીઓમાં સામાન્ય રીતે બે વર્ગ વધુ જોવા મળશે.

૧ – ડગલે ને પગલે દુનિયા પર અવિશ્વાસની નજરે જ જોશે.

યા તો

૨ –  નાના નાના કામમાં પણ પોતાને અસહાય સમજી/બતાવી લોકોને ઈમોશનલ  બ્લોક્મેઈલ કરે.

સ્ત્રીઓએ કોઈ ખરેખર મદદ કરવા હાથ લંબાવે એને આ બન્ને નજરથી પર થઈને પ્રેકટીકલ જોવાનું શીખવું રહ્યું.

~ અમૃતબિંદુ ~ 

એક એવો પણ દાખલો સાંભળ્યો છે કે એક વિચક્ષણ-વિદ્વાન લેખકની વેલ એજ્યુકેટેડ પુત્રી પણ એવાં માણસ સાથે મેરેજ કરવાની ભૂલ કરી બેઠા જે ઓલરેડી મેરીડ છે! બોલો! હવે સામાન્ય સ્ત્રી પાસે તો શું અપેક્ષા રાખી શકીએ ?

Advertisements

4 ટિપ્પણીઓ

Filed under સંવેદના, સમાજ

4 responses to “જવાબદાર કોણ ?

  1. કન્યાશિક્ષણને આવા બધા કારણોથી જ મહત્વ આપવાની જરૂર છે. શિક્ષિત થવું એટલે માત્ર સહી કરતા આવડવી એ નહીં પણ પોતાના પગ પર ઉભા રહી શકાય, પોતાનો જીવનનિર્વાહ ચલાવી શકાય એટલું શિક્ષણ મેળવવું. બીજી વાત એ કે સ્ત્રી પોતાના પતિના વ્યવસાય કે કમાણીની આવક વિશે જાણવા માંગે તો પણ બધા પુરુષો તે જણાવતા હોતા નથી. “તારે શું કામ છે ? પૈસાની બાબતમાં મને કંઈ પૂછવું નહીં.” વગેરે જેવું સાંભળવા મળતું હોય છે. પતિની સરકારી નોકરી હોય તો એમાં તો કંઈ વાંધો આવતો જ નથી. પણ જ્યારે સહિયારો ધંધો હોય ત્યારે પતિ-પત્ની બંને એ જાગૃત રહી બન્નેના નામે બચત કરવી જોઈએ. કે વીમાની પોલિસીમાં પણ જીવનસાથીના નામનું નોમીનેશન કરાવવું જોઈએ. અને જ્યારે પોતાને કંઈ સમજ ના પડતી હોય ત્યારે વગર સમજ્યે સહી કરવાને બદલે કોઈ ભણેલી અને વિશ્વાસુ વ્યક્તિને જે તે કાગળો વંચાવી, સમજી, વિચારીને સહી કરવી જોઈએ.

  2. વર્ષાબેન પાઠક ની બુક ” આપણી વાત ” માં , તો ત્યાં સુધી કહ્યું છે કે તમારા પતિ , તમને કોઈ ડોક્યુમેન્ટ માં સહી કરવાનું કહે તો આંખ મીંચીને સહી કરશો નહિ , કારણ કે કેટલીય વખત પતિએ પત્નીના નામે વ્યાપાર /ધંધો શરુ કર્યો હોય છે અને ન કરે નારાયણ ને કોક દી તમારે તેના માઠા ફળ ભોગવવા પડશે !

    અને બીજા એક કિસ્સામાં , જ્યારે પતિને એ જાણ થઇ કે પોતે થોડાક જ મહિનાઓનો મહેમાન છે ત્યારે તેને પોતાની પત્નીને બાહ્ય જગત ના સર્વે રીત /રીવાજ , વ્યાપારની વિગતો શીખવી , બેંક વગેરેના વહેવારોની સમજ આપી અને તેને સર્વે રીત થી તૈયાર કરી અને આજે તે બહેન પોતાના પગ પર ઉભા છે અને તેમની દીકરીઓના લગ્ન પણ તેમને પોતે જ ઇતિ થી લઇ અંત સુધી પાર પડ્યા છે !

    ” આપણી વાત ” , a must recommended Book for all ladies + gentlemen .

    • નિરવની વાત સાચી છે. મારી એક ફ્રેન્ડ સ્કુલમાં શિક્ષિકા છે, પોસ્ટ ગ્રેજ્યુએટ છે પણ એના પાનકાર્ડમાં એના નામની સહી એના પતિએ જ કરી લીધી છે. અને તેને એ પોતાના ધંધા માટે વાપરે છે. ક્યાં શું ગોટાળા કરે છે એ મારી ફ્રેન્ડને કંઈ જ ખબર નથી. આવું થાય જ છે.

  3. matrixnh

    સી.એ. આઇ સી.ડબલૂએ જેવી ડિગ્રી લય ને ટોચની ગોલ્ડમેન સક્શ જેવી કંપની માં 80000 માસિક પગાર લેનારી સ્ત્રીઓ સગાઈ બાદ જોબ છોડી ને રસોડા માં કારણ તો કહે પ્રેમ ના લીધે???????????

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s