Cards and Cards


સામાન્ય રીતે આ સીઝનમાં બધાય શંકરભગવાનને કંકર મારી મારીને હેરાન પરેશાન કર્યા કરે એટલે મને થયું કે આપણે આડા રસ્તે ચાલીયે … અને એટલે (જીવનની નહીં પણ અનુક્રમ મુજબ) છેલ્લી  બ્લોગ  પોસ્ટમાં  શંકર  મહિમાને બદલે જુગાર મહિમા પર  પિક્ચર સ્ટોરી કહી શકાય એવું તિકડમ કર્યું હતું પણ મિત્ર અશોક મોઢવડિયાએ કોમેન્ટમાં સળી કરીને આ બ્લોગ દ્વારા અધુરા અરમાન પુરા કરવા તરફ ધક્કો દીધો!

આ બ્લોગ પોસ્ટમાં આપણે પત્તા/કાર્ડસ  વિશે ચિંતન મનન અને ભજન કરીને જીવને પાવન કરવાનો પવિત્ર પ્રયાસ આદરીશું.

* બક્ષીજી કહેતા કે જુગાર તો ક્રિષ્નના વખતથી છે એટલે તો અશોકભાઈ અને આપણા પ્રિય એવા નરસિંહ મહેતાજ પણ જણાવી ચુક્યા છે ને =  મથુરા નગરીમાં જુગટુ રમતા …..

* એ જ યુગની વાત કરીયે તો ધર્મરાજા પણ જુગાર ખેલ્યા જ હતા ને? અને એ પણ માર્ક કરવા જેવું છે કે તેઓ જુગાર રમીને , બધુ હારી અને પછી દ્રૌપદીની મદદથી જૈસેથે પરિસ્થિતિ પામીને બહાર આવ્યા ત્યારે એમની નેનોના પૈડાની હવા ય નો’તી નીકળી પણ યુધ્ધમાં (જેવું તેવું)ખોટુ  બોલ્યા ત્યારે ક્રિષ્નના પૃથા બુવાના પુત્રનો અધ્ધર હાલતો રથ પૃથ્વીને ટચ કરી ગયો!

આવી તો કંઇ કેટલીયે ઘટના-દુર્ઘટનાઓ આપણા શાસ્ત્રોમાં હશે એને અત્યારે ઉખેળવાનું કે ઉખાડવાનું રહેવા દઈએ અને જુગાર તરફ આગળ વધીયે. પેલા ફિલ્મુવાળાઓ કહે છે કે જિંદગી એક જુઆ હૈ! તો  જુગાર માટે  ‘પત્તા ટીચવા’ યા ‘કાર્ડસ રમવા’ શબ્દ પ્રયોગ પણ થતો હોય છે. એ કાર્ડસ સબબ આજે અમુક કાર્ડસ ને યાદી જોઇએ તો ખ્યાલ પડે છે કે આપણે એટલા બધા કાર્ડસ વચ્ચે જીવીએ છીએ કે એ કાર્ડસ યાને પત્તાનો રીતસર નો  મહેલ બનાવી શકીયે.

* પહેલા તો રાશન કાર્ડથી જ ચાલતું હતું પણ હવે એમાંય યુનીક કાર્ડ-બીપીએલ કાર્ડ આવા આવા આવી ગયા.

* ભલે આપણો મત ઘરમાં ન પુછાતો હોય પણ દેશ ચલાવવા તો આપણે મત આપે શકીયે એના માટે વૉટર આઈડી કાર્ડ ખપે.

* એવી જ રીતે સીમ કાર્ડ વગર કયો જીવલો રહી શકે એમ છે તો પાછું એ ય એમ ને એમ તો ચાલે નહીં એટલે એના માટે મોબાઈલ અને મોબાઈલમાં મેમરી કાર્ડ તો પહેલું.

* ભારતીય હોવાના નાતે ઘરની બહાર આપણે સાયકલ કે પૈદલ તો નીકળી જ ન શકીયે એટલે વાહન માટે ડ્રાઈવીંગ લાયસન્સ કાર્ડ અને જો બસ ટ્રેનમાં અપડાઉન કરતા હોઇએ તો એનો પાસ એ પણ કાર્ડ જ છે ને?

* નોકરી ધંધો કરતા હોઇએ અને ઓફિસમાં પહોંચી ગયા તો ફરી એક કાર્ડની જરૂર પડશે એ આઈ.કાર્ડથી નહી પતે હવે રજીસ્ટરમાં સાઇન કરવાનો જમાનો ગયો સાહેબ, અમે જેનો ધંધો કરીયે છીએ એ એટેન્ડન્સ  કાર્ડ કાઢો ચાલો.

* ઇનકમ ભલે ચણા મમરા જેવી હોય પણ પાન કાર્ડની પણ જરૂરત તો પડે જ .

* વચ્ચે એક વાત રહી ગઈ કે ઑફીસ જતા પહેલા ફ્યુઅલ નંખાવવું છે તો આલો  સ્માર્ટકાર્ડ.

* હવે જો તમારે કોઇની ફેકટરી/ઑફીસમાં જવું હોય ત્યાં તમને ફરી પાછું વીઝીટર કાર્ડ ગળામાં લટકાવવું પડશે અને એ વીઝીટર કાર્ડની પ્રાપ્તી માટે પહેલા તો સીક્યુરીટીને બીઝનેસ કાર્ડ બતાવો.

* એ સિવાય લાયબ્રેરીના મેમ્બર હો તો એ બુક બદલાવવા માટે એ કાર્ડ પણ જરૂરી છે.

* આમ કરતા કરતા (એટલે કે જેમ તેમ કરીને) દા’ડો પુરો કર્યો હોય અને ઘેર જતા પહેલા કંઇક લઈ આવવાનો હુકમ હોય કે પછી ગર્લફે ન્ડ કે (પોતાની કે બીજાની) પત્નીને શોપીંગ માટે લઈ જવી હોય તો ક્રેડીટ/ડેબીટ કાર્ડ વગર પણ ક્યાં ચાલવાનું છે?

* આવી રીતે બધુ તો કાર્ડ પર ન ચાલે ને?ક્યાંક અને કેશ (ફોર વૉટ) મામલો હોય તો  એટીએમ કાર્ડ  હાથવગું રાખવાનું ભૂલાય નહી એ પણ યાદ રાખવું.

*જો એમ માનતા હો કે હાશ હવે કાર્ડનો કકળાટ પુરો એ વાતમાં કાર્ડ સોરી ખાંડ ખાવ છો બાપુ! ઘરે બીજા કેટલાય કાર્ડ રાહ જોયા હશે , જેવા કે – મેરેજ રીસેપ્શન કાર્ડ, બર્થ ડે કાર્ડ, કોઇના બેસણા-ઉઠમણા-સીમંત-ઉદઘાટન-વાસ્તુ પુજાના કાર્ડ ! !

બાકી રહી ગયા હોય એવા કાર્ડની યાદી ‘કોમેન્ટ કાર્ડ’માં ભરજો !

~ અમૃત બિંદુ ~

ભલે  બધા કાર્ડ ઇન થતા હોય પણ એક કાર્ડ લુપ્ત થઈ રહ્યું છે તે છે – પોસ્ટકાર્ડ !

Advertisements

8 ટિપ્પણીઓ

Filed under ધર્મ, વૃતિ - પ્રવૃતિ

8 responses to “Cards and Cards

  1. …તમારા આ કાર્ડના લીસ્ટને જોઈ વધારવા માટે બીજો એક ‘એટ ‘લિસ્ટ કાર્ડ’ બનાવવો પડશે ભાઈ…

  2. પત્નીને ” શિપીંગ ” માટે લઈ જવી હોય તો ક્રેડીટ/ડેબીટ કાર્ડ વગર પણ ક્યાં ચાલવાનું છે?

    શિપીંગ કે શોપીંગ …. દીલ કી બાત બ્લોગ પે આ ગઈ ????? 😉

    • rajniagravat

      ગઈકાલે રાત્રે નરેન્દ્રભાઈ ઉર્ફે eNVy એ પણ મને સુધરવાનું ઉપ્સ આઈ મીન સુધારવાનું સૂચન કર્યુ હતું પરંતુ એ ત્યારે શક્ય ન હતું જે અત્યારે સુધારી લીધું, તમારા બન્નેનો આભાર અને આ માટે તમને બન્નેને મુર્તઝાભાઈએ કહ્યું એવા ‘એટ ‘લિસ્ટ કાર્ડ’ ઇનામ તરીકે આપવામાં આવશે 😉

  3. અહો !!!
    કવિશ્રીનો આભાર માની જરા શબ્દરમત કરી લઉં તો;
    ’’બેફામ’ તોયે કેટલું થાકી જવું પડ્યું ?
    નહિ તો જીવનનો માર્ગ છે લાલથી કાળા કાર્ડ સુધી.’
    (જન્મનોંધણી કાર્ડ, મરણનોંધણી કાર્ડ)

    આ બે દિવસ ઋતુગત બિમારીમાં ફસાયો તેમાં દવાખાનેથી વળી એક નવું કાર્ડ સાંપડ્યું ! હેલ્થ કાર્ડ !!

    ’પોસ્ટકાર્ડ’, બાળકોએ તો કદાચ નામ પણ નહીં સાંભળ્યું હોય ! કોઈ શાયરે લખ્યું છે; ’કોણ માનશે હર્યોભર્યો એક અમારો પણ જમાનો હતો !’

  4. Rajni bhai…. Lan card, atyare to nava computers ma integrated aave chhe pan toy aa blog lakhva mate ane ene publish karva e to joie j…

    સું કિયો છો?

  5. realy good writing…me to pehli varj vanchyu pan ek var vanchtaj tamara writing no fan thay gayo

  6. readsetu

    હાસ્ય લેખ લખવા માટેની માસ્ટરી છે… સામયિકોમાંયે ઝળકો એવું શુભેચ્છા કાર્ડ !!
    લતા

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s