યુવાનો… બુઢ્ઢાઓ…ક્રાંતિ…શાંતિ = કેટલી ભ્રામકતા?


યુવાનો માટે પ્રેરણાસ્ત્રોત સ્વામી વિવેકાનંદશહિદ ભગતસિંહ અને સચીન હોય છે તો  એવી જ રીતે બધા બુઢ્ઢા-બુઝુર્ગો પણ કંઇ નાંખી દીધા જેવા નથી હોતા. પોતાની પીઢતા અને અનુભવના ભાથાથી મહાત્મા ગાંધીજીથી લઈને હાલ જેઓ એકદમ હોટ ટૉપિકમાં છે એ ૭૨ વર્ષિય અણ્ણા હજારે જેવા પણ માર્ગદર્શન અને દ્રષ્ટાંત પૂરુ પાડતા રહ્યા છે, એવી જ રીતે રીલ લાઈફમાં પણ દેશપ્રેમી અને આખરી રાસ્તામાં અમિતાભ કે હિન્દુસ્તાનીમાં કમલ હસન કે પછી વેનસ ડેનો નાયક  પણ યુવાન ન હતા એ નોંધવા જેવું છે. હજુ એક વધુ દાખલો પોલીટીક્સમાંથી લઈએ તો યુવાન રાજીવ ગાંધી અને બુઢ્ઢા નરસિંહા રાવના શાસનનો પણ છે.

^ આટલું વાંચ્યા બાદ કોઇપણ આસાનથીએ અનુમાન અને આરોપ (?) લગાવી શકે કે ભાઈશ્રી હવે આધેડ ઉંમરનાં થયા અને બુઢાપાની તરફ પ્રયાણ કરી રહ્યા છે એટલે આવા બધા લવારા ચાલુ કરી દીધા! પણ ના, હું યુવાનો કે બુઝુર્ગો કોઇપણનો આંખ મીંચીને વિરોધ કરવા નથી માંગતો બલ્કે વિરોધ સામે જ મારો તો વિરોધ છે કે શું કોઇપણ જાતનો વિરોધ કરીને જ તમારો પક્ષ રાખી શકાય ? પણ ‘દળી દળીને ઢાંકણી’માં ની જેમ જ્યારે કોઇ વાત એકના પક્ષમાં કરો એટલે આપોઆપ બિજાના વિરોધમાં હોય એવી છબી જરૂર ઉપસે.

થોડા દિવસો પહેલા જયવંત પંડ્યાના બ્લોગ પર અને પછી  થોડા દિવસો બાદ ઉર્વિશ કોઠારીના બ્લોગ પર ક્રાંતિ કેમ નથી થતી ની વાત હતી… બન્નેએ પોતપોતાની રીતે અલગ (વિરોધી નહી) કરી હતી એટલે એ વિશે કોઇ ગેર સમજ કરવી નહીં. એ બન્ને વખતે મને લખવાની ખુજલી ઉપડી હતી પણ ન લખ્યું પરંતુ ફરી અન્ના હજારેના અનશનની વાતોથી અત્યારે વાતાવરણ તરબતર છે ત્યા થયુ કે ચાલ ભાઈ ખુજલી મીટાવીને જ જંપુ!

યુવાનો બુઢ્ઢાઓની વાત બાદ ટાઈટલમાં કહ્યું છે એમ ક્રાંતિ હોય કે શાંતિ બન્ને ભ્રામક જ નથી હોતી? જેમ મોટાભાગે  શાંતિ માટે યુધ્ધ થતા હોય છે એમ જ ઘણવાર ક્રાંતિમાં (કરનાર નહીં પણ)જોડાનાર માટે મુદ્દો ગૌણ બની જતો હોય છે અને બધા સાથે હોઇશા હોઇશા કરવાનો ઉન્માદ વધુ કારણભૂત હોય છે.

તેરી શર્ટ મેરી શર્ટસે જ્યાદા સફેદ ક્યુ? એ સૂત્ર જાહેરાતમાં ઠીક છે બાકી બીજા દેશોમાં ક્રાંતિ થાય તો આપણા દેશમાં કેમ નહી એ  એક માત્ર  મુદ્દો/કારણ ન હોવું જોઇએ. ભ્રષ્ટાચાર એ ચાઈના આયટેમ્સની જેમ આપણા જીવનમાં પ્રવેશી ગયું છે એનો એક ઝાટકે કોઇ ઉકેલ નથી અને ગમે તેટલા સતર્ક (કે વેવલા) રહો તો પણ એનાથી અસ્પૃશ્ય રહેવું મુશ્કેલથી હવે નામુમકીન સુધીની હદમાં પ્રવેશી ગયુ છે.

આનો અર્થ એ પણ નથી કે બસ નીચી મુંડીએ સ્વીકારી લો પણ આ એટલો નાજુક મુદ્દો છે કે જો આ પ્રકારના આંદોલનને યોગ્ય દિશા ન મળે તો દશા બેસી જાય!

અંધા કાનૂન – પ્રહાર – પ્રતિઘાત – હિન્દુસ્તાની – રંગ દે બસંતી – વેનસ ડે અને આવા કંઇ કેટલીયે ફિલ્મસ જોઇને માત્ર સ્મશાન વૈરાગ્ય જેવું અનુભવીને ભૂલી જઈએ કે આઝાદ થઈને જંગ જીતી ગયા ન હ તા આવ્યા એવી જ રીતે લોકપાલ બીલ પસાર થઈ ગયુ એટલે ગંગ નાહ્યા અને કહાની કા હેપ્પી એન્ડ નથી એ સમજ આવવી જરૂરી છે.

અમૃત બિંદુ ~

બપોરે ૨ વાગ્યાની આસપાસ સ્ટાર ન્યૂઝ અન્નાના અનશન ૫૩ કલાક બતાવતું હતું ત્યારે એન. ડી. (કે ઇન્ડિયા) ટીવીમાં  ૫૬ કલાક અને સાંજે ૪-૩૦ની આસપાસ ઝી ટીવી ૫૮ કલાક દર્શાવતું હતું!

 

Advertisements

5 ટિપ્પણીઓ

Filed under સમાજ, media

5 responses to “યુવાનો… બુઢ્ઢાઓ…ક્રાંતિ…શાંતિ = કેટલી ભ્રામકતા?

  1. “લોકપાલ બીલ પસાર થઈ ગયુ એટલે ગંગ નાહ્યા અને કહાની કા હેપ્પી એન્ડ નથી એ સમજ આવવી જરૂરી છે.” — સાવ સાચું.
    જો કે આપણે એક કહેવત છે; પોદળો પડે તો ચપટી ધુળ લઇને ઉપડે. થોડી તો થોડી પણ કંઇક જાગૃતિ તો આવશે તેવી આશા. આભાર.

  2. રજનીભાઈ,
    ધન્યવાદ. મહત્વના મુદ્દા જણાવ્યા. આનંદની વાત છે કે ગુજરાતી બ્લોગમિત્રો આજકાલ પોતાના વિચારો જણાવવામાં ખુલ્લા થતા જાય છે. લખાણનું જ નહીં પણ વિચારોનું ય કૉપીપેસ્ટ નથી કરતા. 🙂
    બીજા દેશોમાં ક્રાંતિ થાય તો આપણા દેશમાં કેમ નહી એ એક માત્ર મુદ્દો/કારણ ન હોવું જોઇએ.
    આનો અર્થ એ પણ નથી કે બસ નીચી મુંડીએ સ્વીકારી લો પણ આ એટલો નાજુક મુદ્દો છે કે જો આ પ્રકારના આંદોલનને યોગ્ય દિશા ન મળે તો દશા બેસી જાય!
    લોકપાલ બીલ પસાર થઈ ગયુ એટલે ગંગ નાહ્યા અને કહાની કા હેપ્પી એન્ડ નથી એ સમજ આવવી જરૂરી છે.
    .. આવા મુદ્દાઓ દ્વારા તમે ઘણાના મનની વાત રજૂ કરી દીધી છે.
    નવનિર્માણ આંદોલનના ત્રણ મુખ્ય મુદ્દાઓ હતા. [1] મુખ્યમંત્રી રાજીનામુ આપે.[2] વિધાનસભાનું વિસર્જન થાય.[3]ભ્રષ્ટાચાર દૂર થાય.
    કેટલાય યુવાનોના બલિદાન થકી પહેલા બે મુદ્દાઓ સ્વીકારાયા અને ત્રીજો મુદ્દો હજી લટકે છે.
    હજારેજી માટે શંકાને સ્થાન નથી. પરંતુ કોઈ પણ આંદોલન માત્ર સત્તા પરિવર્તન પછી જ અટકી જવાનું હોય તો એનો કોઈ અર્થ નથી.
    મારા બ્લોગ પર વધારે લખીશ.
    વિચારો રજૂ કરવાની સહુને સ્વતંત્રતા છે. સાથે સાથે કડવાશ ન ફેલાય તે પણ જોવું રહ્યું.

  3. Narendra

    તમારા મુદ્દા સાથે સહમત. સારું વિશ્લેસણ કર્યું છે.
    બિંદુ વિષે: તમને Time Travel ની ખબર હશે તો આ બિચારાઓ ની તકલીફ સમઝી શકશો.

  4. રજનીભાઈ ,
    “ભ્રષ્ટાચાર એ ચાઈના આયટેમ્સની જેમ આપણા જીવનમાં પ્રવેશી ગયું છે એનો એક ઝાટકે કોઇ ઉકેલ નથી ” – એક દમ સાચી વાત, અને એનું કારણ પણ આપડે બધા જ છીએ !
    ભ્રષ્ટાચાર ની વ્યખાયા આપડે આપડી સહુલીઅત્ પ્રમાણે બદલી નાખીએ છે!
    આપડી અનુકુળતા પ્રમાણે કટકી બટકી આપીએ અને એને વ્યહવાર માં ખપાવીએ અને એ જ વ્યહવાર ઝુમ કરીને જોતા માસ મોટો ભ્રષ્ટાચાર દેખાય ત્યારે કાગારોળ કરીએ!

    “ક્રાંતિ રાતો રાત ના થાય કે ના તો રાતો રાત બદલાવ આવે!” – એમ સાવ પણ નથી!
    હા વ્યક્તિગત વિચારો માં ક્રાંતિ આવે તો કઈ થઇ શકે!

    અને કદાચ ધીમે પગલે આ વ્યક્તિગત બદલાવ આવી પણ રહયો છે!
    🙂

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s