રખડપટ્ટી-III


ગઈકાલે ઉત્તરાયણ કહેતા મકરસંક્રાતિ હતી.. (બોલો કોઇને ખબર હતી? ) મને તો પતંગ ચગાવતા આવડતી નથી પણ દર વખતની જેમ કસક અને હું સવાર સવારે એક-બે ફ્રેન્ડનાં ધાબા પર ગયા…જ્યાં કસકે તો પતંગ ચગાવી પણ આપણને કંઇ “પેચ” લગાવા જેવું “નજરે” ચડ્યું નહી! એટલે બપોરે ખાંડવી-ગાંઠિયા-જલેબી વગેરે દાબી, વામકુક્ષી બાદ  ગાંધીધામથી વીસેક કિલોમીટર આવેલા પીકનીક સ્પોટ કમ ધાર્મિક સ્થાન એવા જોગણીનાર ગામે જવાનું અમે ચાર પરિવારની ચંડાળ ચોકડીએ નક્કી કર્યુ.

આમ તો જનરલી મંદિરમાં જઈને ભગવાનને હેરાન કરવાની (કુ)ટેવ નથી પણ ગામથી બહાર ગયા હોય ત્યારે ભગવાન કરતા ભાગ્યવાનનો ડર રાખીને ય મંદિરમાં જવું એ શાણપણની નિશાની કહેવાય એવું આટલા વરસોના લગ્નજીવન દરમ્યાન બ્રહ્મજ્ઞાન લાધ્યુ હોય એ સ્વાભાવિક છે. જોગણીનાર ઘણીવાર ગયા છીએ પણ આ વખતે મારૂં ધ્યાન ચોસઠ જોગણીનાં નામની યાદી તરફ ગયું .. એક એક નામ વાંચ્યા તો મને અહોભાવ થયો કે ખોટીરીતે પૂર્વગ્રહ રાખ્યા વગર જો આપણે અમુક માર્કીંગ/નોટીસ કરીયે તો ખરેખર મજા આવે .. અહી બે ફોટા મૂકુ છું જેમાં એક તો ચોસઠ જોગણીઓનો છે જેમાં કદાચ ધાર્મિક વૃતિ ધરાવનાર સિવાયનાને રસ ન પડે પરંતુ બીજો એક ફોટો છે એને ઝુમ કરીને પણ દરેક નામ વાંચવાનો પ્રયત્ન કરજો કેટલા સરસ સરસ નામ છે જે  આપણે ઘણીવાર શોધતા હોય ત્યારે મળે નહીં અને મને તો  એ અત્યાધુનિક નામ લાગ્યા અને ગમ્યાં.

ચોસઠ જોગણી - જોગણીનાર_કચ્છ

ચોસઠ જોગણીનાં નામોની યાદી - જોગણીનાર_કચ્છ

કદાચ કોઇને થાય કે ભાઈ આવી સુફિયાણી વાતો  બાજુ પર રાખીને કહે કે તું ધર્મ કોને કહે છે? એ માટે પણ એક હજુ વધુ  ફોટો જોઇ લો જે મને મારા વિચારનો પડઘો લાગે છે .

ધર્મ ક્યાં છે? એમ નહી પણ ધર્મ ક્યા હૈ?

અગાઉની રખડપટ્ટી પોસ્ટનું અનુસંધાન

https://rajniagravat.wordpress.com/2009/07/09/roaming/

https://rajniagravat.wordpress.com/2009/07/13/roaming-ii/

Advertisements

3 ટિપ્પણીઓ

Filed under વાર/તહેવાર/પ્રસંગ/પર્વ, વૃતિ - પ્રવૃતિ

3 responses to “રખડપટ્ટી-III

  1. ૬૪ જોગણીઓના નામ…સૌજન્ય: ભગવદ્‌ગોમંડલ!

    પિંગલાક્ષી, વિશાલાક્ષી, સ્મૃદ્ધિ, વૃદ્ધિ, શ્રધ્ધા, સ્વાહા, સ્વધા, અભિખ્યા, માયા, સંજ્ઞા, વસુંધરા, ત્રિલોકધાત્રી, સાવિત્રી, ગાયત્રી, ત્રિદશેશ્વરી, સુરૂપા, બહુરૂપા, સ્કંદમાતા, અચ્યુતપ્રિયા, વિમલા, અમલા, અરૂણી, આરૂણી, પ્રકૃતિ, વિકૃતિ, સૃષ્ટિ, સ્થિતિ, સંહ્યતિ, સંધ્યા, માતા, સતી, હંસી, મર્દિકા, વિજ્રિતા, દેવમાતા, ભગવતી, દેવકી, કમલાસના, ત્રિમુખી, સપ્તમુખી, અન્યા, સુરાસુરમર્દિની, લંબોષ્ટી, ઊર્ધ્વકેશી, બહુશીર્ષા, વૃકોદરી, રથરેખા, શશિરેખા, ગગનવેગા, પવનવેગા, ભ્રુવનપાલા, મદનાતુરા, અનંગા, અનંગમદના, અનંગમેખલા, અનંગકુસુમા, વિશ્વરૂપા, સુરાદિકા, ક્ષયંકરી, અક્ષોભ્યા, સત્યવાદિની, શુચિવ્રતા, ઉદારા અને વાગીશી.

    સરસ લેખ.

  2. “મંદિરમાં જઈને ભગવાનને હેરાન કરવાની (કુ)ટેવ નથી પણ ગામથી બહાર ગયા હોય ત્યારે ભગવાન કરતા ભાગ્યવાનનો ડર રાખીને ય મંદિરમાં જવું એ શાણપણની નિશાની કહેવાય એવું આટલા વરસોના લગ્નજીવન દરમ્યાન બ્રહ્મજ્ઞાન લાધ્યુ હોય એ સ્વાભાવિક છે”
    આવા ઘણા બધા જ્ઞાન લગ્નજીવન દરમ્યાન થતું હોય છે. નામવાળું પિક્ચર ક્લિયર નથી એટલે બધા નામ વંચાતા નથી પણ ભાઈ વિનય એ કામ કરી દીધું. સરસ નામ છે.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s