ગમો-અણગમો


ઘણીવાર આપણને અમુક લોકોની કલમ ગમતી નથી હોતી યા તો ઘણી જ ગમતી હોય છે. એનું કારણ શું? આમ જોઇએ તો આવું કંઇ માત્ર વાંચનમાં જ નથી હોતું, ખાવા-“પીવા” થી માંડી કપડા-લતા (?), ફિલ્મ, દોસ્તો, સંબંધો વગેરેમાં પસંદ-નાપસંદ હોય જ છે પણ કોઇ શાક આપણને એમ નથી કહેતું કે ભાઈ મને જબરજસ્તીથી ખા ને ખા! એમ તો લેખકો/કવિઓ પણ આપણને ક્યાં ઘરે કંકોત્રી આપવા આવે છે? પણ જો એમને પસંદ કરો તો તમારી (ગણતરી પૂર્વક) ગણતરી બુધ્ધિશાળી વાંચકમાં થાય પણ જો ભૂલથીયે ટોકો તો  પછી આલ્બર્ટ પીન્ટો કો ગુસ્સા આ જાતા હૈ!

ખબર નથી કેટલું સત્ય હોય શકે પરંતુ મને અમુક પોઇન્ટસ યાદ આવે છે કે ગમા-અણગમા માટે આવા કારણો હોય શકે.

1- જો તમારા અને લેખકનાં વિચાર મળતા આવતા હોય તો ગમે અને બન્નેના વિચારોમાં ઉત્તર-દક્ષિણ કરતાયે ભારત-પાકિસ્તાન જેટલો ભેદ હોય તો ન ગમે.

2- તમારી પસંદગીના વિષયો પર એ લેખન હોય તો ગમે અને આપણી ચાંચ ડૂબતી ન હોય એવા વિષય અને લેખક પર પસંદગીનો ક્ળશ ન ઢોળી શકો.

3- અમુક વિષય પર ઘણા સમયથી આપણે માહિતી મેળવવા શોધતા હોય અને અચાનક એ વિષય પર કંઇ લખાણ મળે તો ગોળના ગાડાં મળી ગયા જેવું થાય તો સામે પક્ષે એક ને એક વિષય પર પીપુડી વગાડયા કરતા લખાણો ન ગમે અને તિરસ્કારની ભાવના થવી પણ સ્વાભાવિક છે.

4- આખરી મુદ્દો જે કદાચ કોઇ (લેખક) સ્વિકારે  નહી કે જો ખુલ્લા દિલ-દિમાગથી અને પ્રમાણિકતાથી લખ્યું હોય તો એ લખાણ આપણને સ્પર્શી જાય પછી ભલે એ આપણા પસંદગીનો વિષય ન હોય કે આપણા વિચારથી તદ્દન વિરૂધ્ધ કેમ ન હોય.

Advertisements

3 ટિપ્પણીઓ

Filed under વૃતિ - પ્રવૃતિ, સાહિત્ય

3 responses to “ગમો-અણગમો

  1. ભાઈલોગ અપુન સમજાતા હૈ.

    ૧. લેખકો બ્લોગર ન હોવાથી તેમને કોમેન્ટો ખૂંચે છે.
    ૨. આપણે બબૂચક વિવેચકોની જેમ ગોળ-ગોળ વાત નથી કરતા અને સીધું જ કહીએ છીએ કે ભાઈ તમારો લેખ ભંગાર હતો.. તો તેમને ન ગમે તે સ્વાભાવિક છે.
    ૩. વર્ષોથી કોલમ ચલાવે છે તો કોઈ વાંચતુ હશે એવી કોઈ ખાત્રી હોતી નથી. અમુક કોલમો ક્યાંથી વસ્તુ લાવે છે તે મારા એકાદ પોસ્ટમાં મેં લખેલ (સમાનતા કે એવું કંઈક પોસ્ટનું નામ હતું..)

  2. ૧૦૦ ટકા સહમતી છે કાર્તિક ભાઈના વિધાનો સાથે. તટસ્થ રહેવું અને પોતાના સર્જન (જો ક્યાયથી ચોરી ના કરી હોય તો) માટે તટસ્થ અભિપ્રાયો ખુલ્લા દિલથી વધાવા બહુ મુશ્કેલ કામ હોય છે.
    અને આપના ૩જા વિધાનથી મને જય વસાવડાના લેખો યાદ આવી ગયા. શરુમાં બહુ મજા આવતા હતી વાંચવાની. થોડી ઘણી બક્ષીની છાંટ દેખાતી હતી પણ હવે બહુ પુનરાવર્તન લાગે છે વિષયવસ્તુમાં. કાયમ ભારતીયો બહુ ટૂંકા સ્વભાવના અને બહારના બહુ ખુલ્લા એવો ભાસ થયા કરે છે. સાચી વાત હશે પણ છતાં હવે જામતું નથી. ગુણવંત શાહે સેક્યુલારિઝમ પણ ઘણું લખ્યું છે પણ ક્યાય કંટાળો ના આવે .. હશે આ મારો વિચાર છે.. બધાના નહિ.. 🙂 ..

  3. Keyur Kotak

    રજનીભાઈ,

    કોઈ પણ વ્યક્તિ અખબારમાં લખે કે બ્લોગમાં લેખ કે સંશોધનાત્મક લેખ ત્યારે તેને વાચકોના પ્રતિભાવ માટે તૈયાર રહેવું જોઇએ. તમારા અને વાચકોના વિચારો મળતાં આવે તેવું બને અને ન પણ બને. વાચકો પ્રતિકૂળ પ્રતિભાવ આપે ત્યારે વિચારવું જોઇએ કે ખરેખર તેની વાત સાચી છે કે ખોટી. જો વાચકની વાતમાં તથ્ય હોય તો તમામ પૂર્વગ્રહો એકબાજુ મૂકીને સુધારો કરવાથી લેખક કે સંશોધકને જ ફાયદો થાય છે..પણ આપણે ત્યાં આલ્બર્ટ પિન્ટો વધારે છે તો આપણે અર્થાત્ આપણા ચિત્તની શાંતિ કાજે તેમના અમૂલ્ય સર્જનથી દૂર રહેવું….વાચક પાસે બીજો કોઈ વિકલ્પ હોતો નથી….

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s