પિકનિક નો મૂડ ગુલાબી


ચંદ્રકાન્ત બક્ષીએ કૉલમની શરૂઆત મહોમ્મદ માંકડની સલાહથી કરી હતી જેમાં ‘મૂડગુલાબી’ નામની કૉલમ અને  એમાં લેખનું ટાઇટલ ‘પિકનિક’  રાખ્યું  હતું એવું કંઇક યાદ છે. યાદ-દાસ્તના સહારે લખતો હોવાથી માહિતી દોષના ભરપુર ચાન્સ છે- તો સુધરાવજો પ્લીઝ . હા, તો ત્યારબાદ માંકડ સાહેબે ઉલ્ટા પુલ્ટા કરીને કૉલમનું નામ ‘પિકનિક’ અને લેખનું નામ ‘મૂડ ગુલાબી’ કરી નાંખ્યુ હતું ! પરંતુ આ પોસ્ટ નથી બક્ષીબાબુ પર કે નથી કૉલમ, સાહિત્ય પર પણ આ તો કાલે અમારો કસક સ્કૂલ દ્વારા પિકનિક પર ગયો અને એનો મૂડ ગુલાબી ગુલાબી જોયો હતો એટલે બંધ બેસતુ ઠોકી દિધુ!

હા, તો અમારા કસક બાબુ આજે પિકનિક પર છે, ગઈકાલે રાત્રે 10 વાગ્યે ગયો અને આજે રાત્રે 10-11 રિટર્ન આવશે. રૂપિયા છે 1100 (અંકે પૂરા એક હજાર અને એક સો  LoL) . આ ચાર્જમાં  ત્રણ ટાઇમ ખાવાનું (બ્રેક ફાસ્ટ, લંચ અને ડિનર)  તેમજ  સ્લીપીંગ કૉચનું ભાડાંનો સમાવેશ  છે. સ્થળની વાત કરીયે તો નળ સરોવર, ગાંધીનગરનો ઇન્દ્રોડા પાર્ક અને અમદાવાદનું સાયન્સ સીટી તેમજ  કાંકરિયા ઝુ. (અમે ઑલરેડી આ બધુ એને ત્રણ વરસ પહેલા બતાવી ચૂક્યા છીએ) એ ભાઈતો “ખુચી” થતાં થતાં બસમાં ચડી ગયા પણ બસ ઉપડી એટલે એની માંની આંખમાંથી દડ દડ આંસુડા પડવા લાગ્યા! મેં કહ્યુ અરે ગાંડી, આપણે એને પિકનિકમાં મોકલ્યો  છે, “તારે ઝમીં પર”ની  જેમ કંઇ હૉસ્ટેલમાં થોડો મોકલ્યો છે? પણ જયશ્રીનું કહેવું કે આખી રાત છોકરો જાગશે, સવારે એની દૈનિક ક્રિયાઓ પતાવવામાં કોણ મદદ કરશે ? પિકનિક દરમ્યાન બરાબર ખાશે કે નહી …. આવા અનેક સવાલોના જવાબ મારા પાસે ન હતાં કેમ કે એ સવાલ એક માં ના હતા ને?

બીજી એક વાત કે આ પહેલા ગયા વરસે પણ એકવાર કસક અહિં કચ્છમાં આવેલ કાળો ડુંગર જઈ આવ્યો છે પણ એ તો વહેલી સવારે નીકળ્યા હતાં ને રાત્રે પરત આવી ગયેલ. અને એ વખતે અમને જે વાતો જાણવા મળી એનાથી ખ્યાલ આવે છે કે  સગવડતા સાચવવા ના બહાને માં-બાપ  એમના સંતાનોને અજાણતા કેવા બગાડતા હોય છે? જેમ કે 10-12 વરસની ઉંમરના બાળકોને મોબાઇલ, એમથ્રી પ્લેયર, કેમેરા અને ચોકલેટ્સની રીતસરની થેલીઓ આપે! તેઓ કેમ નહી સમજતાં હોય કે આ બધી વસ્તુઓથી એમનો પિકનિક નો મુખ્ય ઉદ્દેશ તો માર્યો જ જાય ને?

આજે તો આટલું બસ બાકી હવે પછીના થોડા દિવસો અમારે (પિકનિકની વાતોના માટે) ગુડ લીસનર નો રોલ પ્લે કરવાનો આવશે ને?

Advertisements

4 ટિપ્પણીઓ

Filed under એજ્યુકેશન એન્ડ પેરેન્ટીન્ગ, વૃતિ - પ્રવૃતિ, સંવેદના, Kasak

4 responses to “પિકનિક નો મૂડ ગુલાબી

  1. હા હા હા!
    જયશ્રી ભાભી તદ્દન સાચું કે છે! બાળક નજર થી દુર જાય તો માં થી સહન ના થાય!
    અમારે એક વાર અમારા પડોસી હીર ને અને એમની બેબી ને લઇ ને ગાર્ડન માં ગયા હતા, પહેલી વખત હીર બીજા ની સાથે ગઈ હતી.. હું બાલ્કની માં જ એ પછી આવી ત્યાં સુધી [૧ કલાક ને ૩૦ મિનીટ] ઉભી રહી ! રડતા રડતા! અને મારી પાસે કેયુર ઉભો હતો હસતા હસતા! કેયુર કહે” રોજ જોબ પર હીર ને લઇ જતી હોય તો[કાશ શક્ય હોત!] .. અને હીર ને ગાર્ડન લઇ ગયા છે, એને લગન કરીને વળાવી નથી! ”
    વાત થઇ પિક્નિક ની તો હું નાનપણ માં એટલી તોફાની હતી કે મને પીકનીક પર મોકલવા મમ્મી તૈયાર જ ના થાય! અને હું જીદ કરું તો ટીચર ને લાંબુ લચક ભાષણ આપે મારું ધ્યાન રાખવાનું !
    પણ પીકનીક ખરેખર બાળક માં સહિયારાપના ની ભાવના અને નવું જોવા-જાણવા ની જીજ્ઞાસા જગાવે છે!

  2. કવિનને અત્યારથી એવી ટેવ છે કે અમારા કરતાં બીજા પાસે સીધો રહે છે – પિકનીક એ છોકરાંઓની સોશિઅલ સ્કીલ ખીલવવાનો સૌથી સરળ રસ્તો છે, અને એ જ વખતે તેમનાં ઘરનાં સંસ્કાર સામે આવે છે 🙂

  3. માતા અને પિતાની લાગણીઓમાં ફરક તો રહેવાનો જ. પણ એક વાત છે કે વધૂ પડતા લાગણીવેડા અને પંપાળવાની વૃત્તિ એ છોકરાઓના હિતમાં તો નથી જ. અમુક ઉંમર પછી છોકરાઓને ઘર અને મા બાપના પડછાયામાંથી બહાર નિકાળવા જરૂરી છે.

  4. Rajnibhai,

    Ashna has recently experienced a trip with mummy and other without parents , both in march. As I was travelling first time w/o Nikhil and trip was long Surat-Junagadh-Sasan…..I was bit worried but both children supported fully and we enjoyed trip completely.

    Other trip she went to Saputara for 4 days. She cooperate me completely from packing, getting ready on time etc. on our 7 days Junagadh trip that I was not worried th it was her first trip w/o parents. No tears , no worries…just unending talks after coming back.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s