મીસ્ડ કૉલ – મજબુરી કે મગજમારી?


ડાયલ કરે દિલ સે ..

આ પહેલા મોબાઈલની માયા(ઝાળ) પોસ્ટ વાંચેલી હશે એમને થશે કે મોબાઇલ કંપની કે ટેકનોલોજી જોડે આ ભાઈને કંઇ તકલીફ હશે! એની વે,  હું તો મારું  (એટલે કે આ પોસ્ટ બનવવાનું) કામ આગળ ધપાવું તો –

 

ઘણા વખત પહેલા માર્કેટમાં એવો  SMS ફરતો કે અમુક દેશનાં લોકો અમુક જાતની શોધ માટે પોતાના દેશનાં વખાણા અને નામ કહેતા હતાં  અને એવામાં આપણો હિન્દુસ્તાની ભાયડો તો  હોય જ ને? એણે પણ પોરસાઈને કિધુ કે મીસ્ડ કૉલની શોધ અમે કરી!

એક જમાનો હતો જ્યારે 8 રૂપિયા ઇનકમીંગના અને 16 રૂપિયા આઉટ ગોઇંગના થતાં, ત્યારે કોઇનો ઇનકમીંગ કૉલ આવતો તો પણ “ફાટતી” એ અલગ વાત છે અને અત્યારે  આઉટ ગોઈંગનાં 20 પૈસાથી લઈ વધુમાં વધુ 60 પૈસા છે ત્યારે પણ લોકો મીસ્ડ કૉલ આપીને મગજ હટાવી દે ત્યારે ઉપરોક્ત જોક યાદ  કરીને ગુસ્સો હળવો કરી લેવો પડે કે સાલ્લું આજે પણ એ વાત એટલી પ્રસ્તુત છે એનો શ્રેય આવા લોકોને મળે છે.

સાથે સાથે થોડુ ફ્લેશબેકમાં પણ જઈએ જેમાં ખબર પડશે કે મીસ્ડ કૉલની માયા જાળ તો અમે પણ ફેલાવી હતી અને એ પણ મોબાઇલ આવ્યા પહેલા…. અમે દોસ્ત લોકો  એક બીજાને (ઘરની બહાર કે નીચે ) બોલાવવા લેન્ડ-લાઇનથી લેન્ડ-લાઇન પર થી મીસ્ડ કૉલ આપતા હતાં જે ને એ ટાઇમે ઘણા કટ રીંગના નામથી પણ જાણતા હશે, એ સમયે પી & ટી (અત્યારનું બીએસએન એલ ) માં કૉલર આઇ ડી જેવી સર્વીસ પણ ન હતી, એટલે અમે એક બીજાને નં આપેલા કે 1 વાર  રીંગ આવે તો ફલાણો અને 2 વાર આવે તો ઢીકણો .. આવી રીતે અમે લાભ લેતા પરંતુ આમાં ક્યાંય કોઇને નુકસાન ન થતું.

જ્યારે અત્યારે મને એટલા માટે દાઝ  ચડે કે આટલા કોલ દર ઓછા થઈ જવા છતાંપણ અમુક લોકો મીસ્ડ કૉલની મજા શા માટે લેતા હશે..અને મને ખાસ એટલા માટે વાંધો છે કે મારું કામ ઈપીએબીક્સનું છે, અમુક વખતે ટેલીફોન વાયરીંગ કરાવાનું હોય (અમે હવે એ કામ નથી કરતા) એટલે ઇલેક્ટ્રીશ્યન/વાયરમેનને  ડાયરેક્ટ કહી દઈએ કે તારે ફલાણી જગ્યાએ કામ કરવાનું છે,  હવે  જોવા જેવી વાત એ છે કે એ ભાઈ સાહેબ ત્યાં જઈને મને મીસ્ડ કૉલ મારે! ! ! ( ખાસ ચોખવટ કે હું ક્યારેય કોઇને આવા કામોમાં દલાલી/કમીશન આપતો નથી અને લેતો પણ નથી ) ગમે તેટલી વાર  આવા લોકોને “વાઢી”ને હાથમાં આપો કે એ’લા  મલાઈ તારે ખાવાની અને દુધ ગરમ કરવા મારો ગેસ વાપરવા આવે છે? તો યે એ લોકો ને હંમેશા નવે નાકે દિવાળી  હોય!

છેલ્લે છેલ્લે હજુ એક વાત કે તમે જોજો જગતમાં બે સમયએ વ્યક્તિ હંમેશા ઉતાવળમાં હોય –

1- મીસ્ડ કૉલ કર્યો હોય ત્યારે ….

2- ફાટક ખુલે ત્યારે….

Advertisements

12 ટિપ્પણીઓ

Filed under રમૂજ, વૃતિ - પ્રવૃતિ

12 responses to “મીસ્ડ કૉલ – મજબુરી કે મગજમારી?

  1. bhai mara mitro to aaje pan mane India thi miss call kare chhe ane hu calling card thi emne call karu chhu. India thi US call karvo sasto pade chhe to pan.

  2. ૩) ફાટક ખૂલવાનું હોઈ ત્યારે પણ !

  3. ખુબ જ સરસ વર્ણન !
    આ સાથે મારો પણ અનુભવ કહું જે યાદ આવી ગયો તમારી પોસ્ટ વાંચી ને!
    મારા લગ્ન થયા એ પહેલા ,મારા ઘેર લેન્ડ-લાઈન ફોન ના હતો, કે મોબાઈલ પણ ના હતો.. મારે કેયુર [મારા પતિ એ સમયે મારા ખાસ મિત્ર હતા ..] ને સંપર્ક કરવો સરળ હતો કેમકે તેની પાસે મોબાઈલ હતો.. પણ એને મારી યાદ આવે કે મારું કામ હોય તો એ મારી બાજુ ના ઘેર સતત ૧૦ મિસ કોલ કરે! ખુબ નાના મિસ કોલ! એ અમારો કોડ હતો! [ અમે ફ્લેટ માં રહેતા તેથી ૨ ઘર વચ્ચે દીવાલ છતાં બાજુના ઘર નું લગભગ બધું સંભળાય! ] ! મારા પડોસી બિચારા રોજ મારી મમ્મી ને ફરિયાદ કરે અવ મિસ કોલ ની, અને હું પણ મન માં જ હસી લેતી!
    મિસ કોલ ના કેટલાય અવ કોડ વપરાતા હશે! ફ્રી ફ્રી ફ્રી !

    • rajniagravat

      ભુમિકા,

      તમારો કિસ્સો રસપ્રદ તો છે જ સાથે સાથે તમારા જેવા (પ્રેમીઓ) માટે એક શબ્દ કહું જે આમ તો બધાને ખબર હશે.. આવા કૉલને Miss Call ની જગ્યાએ Kiss Call કહી શકાય. હા હા હા

  4. સરસ સરસ… મજા પડી ગયી વાંચવાની….

  5. “એમને થશે કે મોબાઇલ કંપની કે ટેકનોલોજી જોડે આ ભાઈને કંઇ તકલીફ હશે! ”

    સાચે ટાઈટલ વાંચી ને એવું જ થયું.
    બાકી પોસ્ટ મજાની હતી. ખાસ કરીને…
    “એ’લા મલાઈ તારે ખાવાની અને દુધ ગરમ કરવા મારો ગેસ વાપરવા આવે છે?”
    “2- ફાટક ખુલે ત્યારે…”

    અને પ્રભુ… મિસ્ડ કોલને લીધે તો અમારા એટલા બધા રૂપિયા બચ્યા છે કે નાં પૂછો વાત…વિદ્યાનગર ભણતો તો ત્યારે મારા કેટલાક મિત્રો તો ૧૦ રૂપિયા ના રીચાર્જમાં આખો મહિનો ફોન ચલાવતા હતા. ઘરે વાત કરવા નું પણ એવી રીતે જ થતું…હું મિસ્ડ કોલ મારું અને પછી સામે થી ફોન આવે…

    અત્યારે ઊંધું થાય છે જો કે… સદાફ ભાઈ એ કીધું એવું…
    અને પૈસા હજુયે બચે છે ઘર ના… કારણ એક જ…મિસ્ડ કોલ… 🙂

  6. arvindadalja

    સરસ ! મીસ કોલ કે મીસ કૌલ ? બંને ક્યારેક આનંદ આપે તો ક્યારે ક માથાનો દુઃખાવો પણ ! મજા આવી હજુ પણ મીસ કોલની માયા જાળ ચાલુ જ છે ટેવ પડી ને એમ કેમ ભૂલાય ? આવજો મળતા રહીશુ !

    સ-સ્નેહ
    અરવિંદ

  7. પિંગબેક: What an idea ! « એક ઘા -ને બે કટકા

  8. મારી સાથે પણ ઈ ટાઇમે એક પ્રોબ્લેમ હમેશા થતી.
    ત્યારે ગુજરાત માં બે જ ઓપરેટર હતા, AT&T(આજનું Idea) અને Cellforce(આજનું Vodafone).
    અને મને કોઈપણ નંબર લખવાની ટેવ નહોતી, એટલે હું નંબર યાદ રાખતો. અને ત્યારે નંબર ની સીરીઝ હતી ૯૮૨૫૨(Cellforce) ને ૯૮૨૪૨(AT&T) તો હું નંબર ને બે ભાગ માં વહેચી નાખતો સીરીઝ ને પાછળ નાં ૫ આકડા. હવે મારા ભાઈ પાસે સેલફોર્સ હતો, દર વખતે હું ૯૮૨૫૨ ના બદલે ૯૮૨૪૨ લગાડતો અને ઈ નંબર ગાંધીધામ ના કોઈ સરદારજી ને લાગતો, ઈ ટાઇમે સરદાર જી ને એક ઇન કમિંગ નાં ૮ કે ૯ રું લાગતા હશે! ઈ સરદારજી બહુ ગુસ્સે થતા અને એકાદ મહિના પછી એમને અંજાર નાં કોઈ પણ નંબર ઉપાડવાનું બંધ કરી નાખ્યું તું!!!!!!!!

  9. રજનીભાઈ, મેં અને જાગૃતિએ તો હવે મિસ કોલ મિસ કોલ રમવાનું ચાલુ કર્યું છે. .. (પહેલા પોસાતું નહતું..!! મિસ કોલ મિસ કોલ રમવા માટે પણ મોબાઈલ અને જીવતું સીમ કાર્ડ તો જોઈએ ને )

  10. પિંગબેક: બાન_તાલિબાન « એક ઘા -ને બે કટકા

  11. dhruv trivedi

    સરસ લેખ છે,મિસ કોલ વિષે.

    પણ અહીં મમતાએ કોલ (કોલસા દલાલી) મિસ કર્યો હોય તેવુ લાગે છે!!

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s