નામમાં શું બળ્યું છે?=>William Shakespeare


આપણને અવાર-નવાર એવા કિસ્સા સાંભળવા મળતા હોય છે કે સાંભળીને નવાઈ, ચીડ અને માન મીશ્રીત લાગણી થતી હોય છે. એવા અમુક પાન વાળાના કિસ્સાઓ ટાંકવા હતા પરંતુ પોસ્ટ બનાવતા બનાવતા….

અમારા મોરબીમાં એક પાનની દુકાનનું નામ છે = “છે પાન ડિપો” !અને એક પાનની દુકાનનું નામ છે = “ભૂત તાંબુલ” !

અત્યારની પરિસ્થિતિની તો ખબર નથી પરંતુ વરસો પહેલા ગામડેથી જ્યારે જ્યારે મોરબીમાં એન્ટ્રી મારીયે એટલે લોકલ બસની બારીમાંથી ડોકુ કાઢીને “છે પાન ડિપો” વાંચીયે એટલે મજા આવી જતી. “છે પાન ડિપો” તો એકદમ નાની અને સાદી દુકાન હતી પરંતુ “ભૂત તાંબુલ”ની ઝાકમઝોળ અલગ જ લાગતી બોલે તો જક્કાસ ! કદાચ આપણને આપણુ પ્રતિબિંબ દેખાતુ હોય એટલે મજા આવતી હશે ! !

આ પોસ્ટ બનાવતી  વખતે યાદ આવ્યુ કે નેક્સ્ટ ટાઇમ મોરબી જઈશ ત્યારે આ બન્ને દુકાન ના ‘ફોટુ’ લઈ આવીશ.

ઉપરોક્ત બન્ને કિસ્સામાં તો નવાઈ અને માન થાય કે આ લોકો આવા આઇડિયા ક્યાંથી કાઢતા હશે?  પણ આ સાથે બીજો એક પાનનો કિસ્સો યાદ આવ્યો જે આમ તો એકથી વધુ વાર આ વિશે મીડિયામાં આવી ગયુ છે કે જામનગરમાં ખંભાળિયા નાકા પાસે એક પાનવાળા છે જેનું નામ (બોર્ડ) યાદ નથી પરંતુ એમનુ નામ ગિનિસ બુકમાં આવેલ છે  (કેટલી સચ્ચાઈ એ મને ખબર નથી) એવું સાંભળેલ છે. એવી કિવંદંતી છે કે બાબુજી પાનની સીઝન (શાયદ 6 મહિના) જ ધંધો કરે અને એ પણ માત્ર અમુક પ્રકારની તમાકુના પાન, સાદુ કે બીજા કોઇ પ્રકારનું પાન ન બનાવે, માત્ર ન બનાવે એટલુ જ નહી પરંતુ વડચકુ ભરી લે! !

વડચકા ઉપરથી યાદ આવ્યુ કે અમારા ગાંધીધામમાં જ્યારે વિડિયો કેસેટ અને પ્લેયરનો શોખ ધુમ મચાવતો ત્યારે એક (શાયદ ગંગા) સ્ટુડિયોમાં વિ ડિયો કેસેટ લેવા જાવ અને જો ભૂલથી એ અંકલને પુછો કે અંકલ કેસેટ બરાબર હશે ને? ખલ્લાસ… તમારા હાથમાંથી રીતસરની કેસેટ ઝુંટવીને એની દુકાનમાં ફગાવી દે કે તમે એમની ક્વોલીટી પર શંકા જ કેમ કરી! હવે જુવો આનાથી એવી ચીડ થઈ હોય કે આવી હુંશિયારી? !

તો

અગર તમે કેસેટ લઈ ગયા હો અને આવીને કહો કે અંકલ કેસેટની ક્વોલીટીમાં મજા ન આવી, તો  એ જ “ઇસ્ટાઇલ”થી કેસેટ ફગાવે પરંતુ બહાર અને આપણા પાસેથી ભાડું પણ ન લ્યે!

હવે કહો જો આવી કસ્ટમર કેરની ભાવના કે સેલ્ફ કોન્ફીડન્સ હોય તો એમને ફગાવાનો અબાધિત અધિકાર મળી જાય કે નહી?!  

Advertisements

13 ટિપ્પણીઓ

Filed under ગુજરાત_ગુજરાતી, વૃતિ - પ્રવૃતિ

13 responses to “નામમાં શું બળ્યું છે?=>William Shakespeare

  1. 🙂 sahii .. !! jabro confidence aa to !!

    pan paan ni dukaan na naam jabardast laagya .. !! photu leta aavjo have jaao to …

  2. અરે વાહ! સરસ.

    અહીં પુણેમાં “કેક એન્કાઉન્ટર” (ફેક એનકાઉન્ટર પરથી) નામની કેકની દુકાન છે અને પાન-પંક્ચર (નાનકડો) સ્ટૉલ છે. પંક્ચર બનાવેલા ગંદા હાથે બનાવેલું પાન કોણ ખાય?

  3. આઈડિયા પરથી ગઈ કાલે ધ્યાનમાં આવેલો એક ખમણની લારીવાળાની માર્કેટીઁગ રીતની વાત લખું છું. હું તો ગેસ બીલ ભરવા લાઈનમાં ઊભો હતો…અને ” ઓ દૂર કે મુસાફિર” એક જૂના ગીત સંભળાયું. પછી થોડી વાર રહી ને બીજું ગીત સંભળાયું … “કભી આર કભી પાર” … જોયું તો ખમણ વેચવાવાળો! બસ ! જૂના ગીત ગાવાના! તેના ખમણ ઝપાટાબંધ વેચાઈ રહ્યા હતાં! મને તેનો આ આઈડિયા ગમ્યો ! તમને કેમ લાગ્યો ?

  4. નવાઇના નામ:
    ૧. માઉન્ટ આબુમાં ધડાકેશ્વર મહાદેવ
    ૨. નવરંગપુરામાં ‘વાળ’ નામનું કેશકર્તાનાલય

  5. એ જ “ઇસ્ટાઇલ”થી કેસેટ ફગાવે પરંતુ બહાર અને આપણા પાસેથી ભાડું પણ ન લ્યે
    કોન્ફીડન્સ ગમ્યો અને મુંબઈ માં ગ્રાંટરોડ પર પણ એક દુકાન છે નામ છે ‘હજામ’

  6. * છોકરીનું નામ કુરંગી હોય છે, અને સુરંગી પણ હોય છે અને છોકરાનું નામ કુમન હોય છે અને સુમન પણ હોય છે. – બક્ષીબાબુ

  7. ભૂતલિંગમ એ ભૂતનું નહીં, પણ માણસનું નામ છે. – બક્ષીબાબુ
    રામલિંગમ એ રામનું નહીં, પણ રાવણનું નામ છે, – ઘરે પાડેલી તાજી અને ગરમ વનલાઈનર્. સત્યમ ફેમસ રામાલિંગમ રાજુ માટે

  8. જામનગરમાં અપ્સરા સિનેમા પાસે પણ એક ’ભૂત પાન ’ છે.

  9. rajniagravat

    હું પણ કેવો ભૂત જેવો છું! (એમાં નવું શું કીધુ?!)

    દોસ્તોની કોમેન્ટસ બાદ ખબર પડી કે ભુત નહી પરંતુ ભૂત લખાય! ચાલો આ કોમેન્ટ બાદ પોસ્ટ અપડેટ કરી નાંખું.. બ્લોગની અવાર-નવાર મુલાકાત લેવા અને કોમેન્ટ લખવા બદલ સૌ મિત્રોનો આભાર.

  10. Morbi City is most power full City in gujarat
    Morbi is ceramic City in india

  11. સુ વાત કરો છો રજની ભાઈ …તમે …મોરબી ના છો….???? અરે યાર ખુબજ આંનદ થયો .અને = “છે પાન ડિપો” અ ક્યાં છે તો મને નથી ખબર પણ ..“ભૂત તાંબુલ” આ તો પાન ની દુકાન જોઈ છે ….હું પણ મોરબી ની બાજુ ના ગામ માંથી છું

    • rajniagravat

      અશ્વિનભાઈ,

      મને પણ આનંદ થયો, મોટાભાગનો સમય મોરબીમાં ગાળેલ છે બાકી આમ તો જોડિયા તાલુકાનું (આમરણ પાસે ) ધુળકોટનો છું .

      “છે પાન ડિપો” સુપર ટોકીઝ પાસે સાધના હોટેલની પાસે છે , સાધના હોટેલ હવે છે કે નહિ એ ખબર નથી !

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s