બ્લોગર આચાર સંહિતા


પોસ્ટનું ટાઇટલ તફડંચી કરેલ છે અને વાત પણ તફડંચીની છે. શ્રી વિનય ખત્રી જેવા સજાગ વ્યક્તિના કારણે ચુપચાપ ચાલતી પ્રવૃતિ સામને આવી કે વિજયભાઈ શાહ અને અન્ય સર્જકની અમુક કૃતિ તેમજ લેખોથી કોઇ રવિ હિરાણી નામના બ્લોગરે પોતાનો બ્લોગ ઉધારકા સિંદુરની માફલ શણગારેલો છે!

શ્રી વિનય ખત્રી ની સતર્કતા અભિનંદનીય છે આ રીતે જે લોકોને જાણ થાય યા તો શંકા થાય તો એક-મેકને ખબર કરવાથી આ દુષણને અટકાવી નહી તો કમ સે કમ રોકી શકાય. મારાથી પણ આવું થાય છે, એટલે કે ઘણીવાર રચયિતા/સર્જકની ખબર ન હોય પરંતુ હું હંમેશા એ કહું જ છું કે સર્જક વિશે બેખબર છું.બ્લોગમાં આ “કોપિ-દુષણ” કદાચ “ઓરકુટ”ના રસ્તા પરથી આવ્યુ છે. ત્યાં એક બીજાને સ્ક્રેપમાં આ રીતે શેર-શાયરી-કવિતા મોકવાનો ધંધો પુર બહારમાં ચાલે છે એટલે એ રસ્તો અહિં પણ અખત્યાર થઈ ગયો હશે.

અન્ય ભાષાની ખબર નથી પણ આપણે ગુજરાતીમાં એક વાત છે કે સસ્તુ ભાડું ને સિધ્ધપુરની જાત્રા એટલે પદ્ય – એવો (કુ)રિવાજ પ્રચલિત છે, જો જો ગદ્યમાં બહુ બનશે, કેમ કે મારા હિસાબે ગદ્યમાં સોલીડ – વિચાર હોય છે એટલે એ પોતાના માટે એક જાતની (વિચારોની)જવાબદારી કે બંધન થઈ જાય છે, જ્યારે પદ્યમાં વિચારો કરતા લાગણી અને એમાં યે આવા લોકોએ વેવલી કહી શકાય એવી લાગણીઓને ઉશ્કેરી જાણે લડકી પટાવાનો ધંધો હોય એ રીતે ઊઠાંતરી ચાલતી હોય છે.

હું કોઇને કંઇ ફોરવર્ડ કરતો, તો પણ લખતો કે કોઇના (સ્ક્રેપમાંથી યા જે પણ સોર્સ હોય એમાંથી) સાભાર.ગુજરાતી ભાષા પ્રત્યે આપને પ્રેમ છે યા સાહિત્યિક પ્રવૃતિ ગમે છે અને અને એને પ્રસરવવા કોપિ કરો ત્યાં સુધી ઠીક છે પરંતુ આડેધડ કોઇ પણ જાતની આચાર સંહિતા વગરના લોકો આવુ ન કરે અને અને જ્યારે જ્યારે કોઇના ધ્યાનમાં આવી કલા આવે ત્યારે બધાને આ અંગે માહિતગાર કરવા ઇચ્છાનીય છે.

Advertisements

15 ટિપ્પણીઓ

Filed under ગુજરાત_ગુજરાતી, વૃતિ - પ્રવૃતિ, સાહિત્ય

15 responses to “બ્લોગર આચાર સંહિતા

  1. Its high time Gujarati blog community is needing actual Blog Publishing Guideline. Many unethical things are going on. Spamming is the most dangerous one. We should have some netiquettes to follow. More structured are we, more readers can reach to right blog easily rather than visiting many garbased-blogs.

  2. rajniagravat

    દોસ્તો

    વિજયભાઈએ બ્લોગ આચારસંહિતાની “જેહાદ” શરૂ તો કરી હતી પરંતુ મને એ પોસ્ટ એમના બ્લોગ પર દેખાતી નથી!

    કંઇ ટેકનીકલી મિસ્ટેક છે કે શું?

  3. સરસ પોસ્ટ. ‘મારું વિચારું, મારી ભાષામાં’ એમ કંઇ થોડું તફડાવાય? 😉

  4. રવિ હિરાણીના બ્લોગની કેચ લાઈન છે “મારા વિચારો, મારી ભાષામાં!” પણ બ્લોગ પર એક પણ પોસ્ટમાં તેમના વિચારો છે જ નહીં, છે તો બસ અન્ય
    બ્લોગ પરથી તડફાવેલી રચનાઓ અને નીચે તેમનું નામ. (ઈમેઈલ સર્ક્યુલેટ કર્યા પછી તે પણ ચુપકેથી હટાવી લીધું છે!)

    મારા મતે કાંતો તેમણે પોતાના વિચારો પોતાના બ્લોગ પર વ્યક્ત કરવા જોઈએ અથવા તો બ્લોગની કેચલાઈન બદલીને “બીજાની રચનાઓ, મારા નામે!” કરી નાખવી જોઈએ.

    તમારું શું કહેવું છે?

  5. ravihirani

    બ્લોગ આચાર સંહિતા ના ભંગ માટે

    aa mara blog par rachana che tene read kari ne mari bhul mate maf karso ji.

  6. Rajni, as a photographer now i will publish only my photo..most of i have used mine…very good guideline for blog.

  7. “બીજાનાં વિચારો પરથી બીજાઓએ સર્જેલ રચનાઓ પરથી બીજાઓએ બ્લોગ પર મૂકેલ પોસ્ટ્સ, મારા નામે, મારી ભાષામાં!!”

    આ ઠીક રહેશે 😉

  8. બીજાના બ્લોગ પરથી કોપી કરીને પોતાનો બ્લોગ સજાવવાનો કે બીજાની કૃતિઓ પોતાના નામે ચઢાવીને પોતાના બ્લોગ પર મૂકી દેવાનો અભરખો લોકોને શા માટે થતો હશે તે જ મને તો નથી સમજાતું. જેને કવિતાનો “ક” ન ખબર હોય તેનો કવિતાનો બ્લોગ હોય! ભાઈ, આ તો પાણી વગર હોડી ચલાવવા જેવું છે.
    એક દિવસ એક નવા બ્લોગની મુલાકાત લેવાનું થયું ને મને બધું જ ખૂબ પરિચિત લાગ્યું. બ્લોગનો થીમ, બ્લોગરના પરિચયની શૈલી અને તમામ કાવ્યો. પરિચિત તો લાગે જ ને. મારા બ્લોગ પરથી તમામ કવિતાઓ કોપી કરીને નવો બ્લોગ શરૂ કરી દીધો હતો. કવિતા તો ઠીક મારો પરિચય પણ કોપી કરીને તેમાં નામ અને શહેર બદલીને બ્લોગ પર મૂકી દીધો હતો. અરે! મારા શોખ અને બીજી વ્યક્તિના શોખ તો અલગ હોય કે નહીં?
    આ બાબતે મેં બાકીના બ્લોગર મિત્રોને જાણ કરી અને જિ
    જ્ઞેશભાઈ એ તે બ્લોગરને આ અંગે ઈ-મેઈલ કર્યો તો ઉત્તર મળ્યો કે ગુજરાતી ટાઈપ કરતાં આવડતું નહીં હોવાથી તેમણે આ રીતે કોપી પેસ્ટ કર્યું હતું. ગુજરાતી ટાઈપ કરતાં ન આવડતું હોય તો પહેલા તે શીખી લેવાય ને. બ્લોગ શરૂ કરવાની ઉતાવળ શા માટે?
    જો કે મારા અને જિજ્ઞેશભાઈના સૂચન પછી તે ભાઈએ મારા બ્લોગ પરથી કોપી કરેલ તમામ કવિતાઓ હટાવી દીધી હતી. અને ગુજરાતી ટાઈપ કરતાં શીખીને પોતાના સંગ્રહમાંથી કૃતિઓ મૂકવાની શરૂ કરી છે.
    પણ આ અંગે કોઈ તો આચારસંહિતા હોવી જ જોઈએ. મૂળ કૃતિ સર્જકના નામ સાથે જ પોસ્ટ થવી જોઈએ. કોઈના બ્લોગ પરથી કંઈ ગમી ગયું અને તે પોતાના બ્લોગ પર મૂકવાની ઈચ્છા થાય તો ભલે. પણ ત્યારે તે બ્લોગની લીંક આપવી જોઈએ અને તે બ્લોગર મિત્રનો આભાર પણ માનવો જોઈએ. અહીં એવી કોઈ હરીફાઈ નથી કે “તારો બ્લોગ મારા બ્લોગ કરતાં સારો કેમ છે?”. ગુજરાતી સાહિત્યમાં લાખો કૃતિઓ લખાઈ છે. મરજીવા થઈને જાતે શોધીએ તો મોતી સમાન કૃતિઓ મળે. બાકી કોપી પેસ્ટ જ કર્યા કરીએ તો તે બધું કામ કાંકરા સમાન દેખાઈ આવે.

    કાર્તિકભાઈએ સારી કેચ લાઈન સૂચવી છે. પણ એના કરતાં બ્લોગનું નામ જ “ચોરબજાર”, “ચોરીનો માલ”, “પરાયા માલ અપના”, “ઉઠાંતરી” કે “તફડંચી” રાખે તો ન ચાલે?

  9. તારો બ્લોગ મારા બ્લોગ કરતાં સારો કેમ છે નો સવાલ ત્યારે આવે જ્યારે મૌલિક સર્જન હોય. અહીં તો વર્ડપ્રેસની મફત સગવડ છે, બ્લોગ માટેના વિવિધ થીમ પણ મફત મળે છે. રચનાઓ તેમજ બ્લોગ ટાઈટલ, બ્લોગની ટેગલાઈન, પરિચય તેમજ ડિસ્ક્લેમર પણ અન્ય બ્લોગ પરથી તફડાવેલું હો ત્યારે ક્યાંથી તફડાવેલું છે તે જ પૂછવાનું રહે છે.

    મને તો એ સમજાતું નથી કે એકની એક રચના અલગ અલગ બ્લોગ પર વારંવાર મુકીને શો ફાયદો? જે દિવસે વર્ડપ્રેસ આ સગવડનો ચાર્જ લેવાનું શરુ કરશે ત્યારે અત્યારે છે તેના ૫% બ્લોગ પણ રહેશે કે કેમ?

    કવિતાનો “ક” તો શું ગુજરાતીમાં લખતાં ન આવડતું હોય એવા લોકો પણ “કોપી” અને “પેસ્ટ” નામના બે બટન વડે બ્લોગ ચલાવે છે જ ને?

  10. વર્ડપ્રેસ પર આજનાં દસ ટોપ મોસ્ટ બ્લોગ પર તાજેતરમાં પ્રકાશિત થયેલી રચના વિશે ઈન્ટરનેટ પર ખાંખાખોળા કરતાં જણાયું કે…

    ૧. દસ માંથી પાંચ (૫૦%) બ્લોગ પર બ્લોગરની પોતાની નહીં પણ અન્યની રચના મુકાયેલી છે. જેમાંથી…

    ૨. બે (૨૦%)બ્લોગ પર યુનિક રચનાઓ છે જે ઈન્ટરનેટ પર બીજે ક્યાંય નથી. (એવું ગુગલમાં સર્ચ કરતાં જણાયું).
    આ બે બ્લોગ છે હિના પારેખના “મોરપીંછ” અને મંથન ભાવસારના “ગુજરાતી ગઝલ”.
    આમ કરતાંને તમણે ઈન્ટરનેટને ગુજરાતી સાહિત્યથી સમૃદ્ધ કર્યું છે, અભિનંદન!

    ૩. બાકીના ત્રણ (૩૦%) બ્લોગ પરની તાજેતરમાં મુકાયેલી પોસ્ટ અન્ય બ્લોગની પોસ્ટનું પુનઃપ્રકાશન છે.
    આ ત્રણ બ્લોગ છે ચેતન સચાણિયાની “ગુજરાતી કવિતાઓ”, વિમલ મિસ્ત્રીનો “મલજીનો બ્લોગ” અને ડૉ. રાજેન્દ્ર ત્રિવેદીનો “હાસ્ય દરબાર”.
    તેમણે અનુક્રમે “લયસ્તરો” (વિવેક ટેલર, ધવલ શાહ), “પ્રણવ” (પ્રણવ વ્યાસ) અને પરમ સમીપે (નીલમ દોશી) પર અગાઉ પ્રકાશિત થઈ ચુકેલી રચનાનું પુનઃપ્રકાશન માત્ર કર્યું છે.

    તો આ આજના ગુજરાતી બ્લોગ જગત વિશેનું મારું અવલોકન. આપના વિચારો જણાવશો…

  11. વિનયભાઈ તમારું સંશોધન સાચું છે. મારા બ્લોગ પર હાલ તો હું અન્ય કવિઓની કવિતા મૂકું છું. પણ તે મૂકવા માટે હું મારી જાતે પ્રયાસ કરું છું. પુસ્તકો વસાવું છું, વાંચું છું અને પછી ટાઈપ કરીને બ્લોગ પર મૂકું છું. મારા રસનો વિષય છે અને મને ગમતી પ્રવૃત્તિ છે એટલે કરું છું.
    મેં મારા પ્રથમ પ્રતિભાવમાં ઉલ્લેખ કર્યો હતો કે મારા બ્લોગમાંથી કોપી કરનાર ભાઈએ હવે પોતાના સંગ્રહમાંથી બ્લોગ પર મૂકવાનું શરૂ કર્યું છે. પણ તમારું તાજું સંશોધન બતાવે છે કે ભાઈશ્રી વિમલ મિસ્ત્રીએ હજુ કોપી પેસ્ટની કલા છોડી નથી. આદત સે મજબૂર….

  12. આપની વાત બિલકુલ સાચી છે.ઓર્કુટ ઉપર આ દૂષણ ખુબ જ વધુ પ્રમાણમાં ફેલાયેલું છે.અને તેને રોકવા માટેના પ્રયત્નના ભાગ રુપે મેં ગરવી ગુજરાત બ્લોગ પર એક ફોરમ શરુ કર્યું છે. http://www.orkut.co.in/Main#CommMsgs.aspx?cmm=50780400&tid=5322995421107300654&start=1.
    આ ફોરમ દ્વારા અને કેટલીક કોમ્યુનિટી દ્વારા હું મારાથી બનતા પ્રયત્નો કરું છું.સાથે કેટલાક મિત્રો પણ આ કાર્યમાં જોડાયા છે. આપ જો શક્ય હોય તો આ ફોરમમાં આ વિષયને લગતી કોઇ માહિતી હોય તો પોસ્ટ કારશો.
    આભાર.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s