સપ્તાહનું સરવૈયુ


શનિવાર સાથે સપ્તાહ પુરૂ થયે, સપ્તાહના સાત દિવસો પર નજર નાંખતા એક વાત ઊડીને આંખે વળગી કે કોઇના કોઇ કારણે શિક્ષણનો મુદ્દો હાઈ લાઇટ થતો રહ્યો છે જેમકે

 

1- મિત્ર જ્વલંત ગોહેલની દિકરી મિરાતને પ્લેહાઉસ/સ્કૂલની પસંદગી બાબતે મિડિયમની મગજમારીની ચર્ચા..

 

2- મિત્ર કુણાલ ધામી એ ઓરકુટમાં કોમ્યુ પર ચાલતી ચર્ચાની થોડી વાતો અને એનો અભિપ્રાય સાથે જણાવ્યુ કે દરેક સ્કૂલને એક જ લાકડીથી હાંકવાનો આપણો અભિગમ એકદમ ગલત છે અને સુરતમાં કે જે એ સ્કૂલમાં ભણી ચુક્યો છે ત્યાંની પ્રગતિ અને વ્યવસ્થાપકોના પ્રયાસો સાંભળી એ સ્કૂલ પ્રત્યે માન થયું.

 

3- અંજાર કે.જી.માણેક સ્કૂલ ના ડાયરેક્ટર બેનર્જી સર સાથે પણ ટીચર, સરકાર અને પેરેન્ટસના પડિયા વચ્ચે ફાઇનલી વિદ્યાર્થી કેવો પીસાય છે કે પીડાય છે એ ચર્ચા થઈ. મારી ઇપીએબીએક્સ સીસ્ટમના કારણે લગભગ બે વરસ કરતા પણ વધુ સમયથી બેનર્જી સરથી પરિચય છે કુણાલે ઉપર કહ્યુ એ જ પ્રકારના એમના એફર્ટસ હું જોતો રહ્યો છું. આઇ મસ્ટ એપ્રિસીયેટ હીઝ એટીટ્યુડ ટોવર્ડઝ એજ્યુકેશન/એડમીનીસ્ટ્રેશન.

 

4- સેજલ  સાથે ચેટ થાય અને પેરેન્ટીન્ગ/એજ્યુકેશનની ચર્ચા ન થાય એવું બને જ નહી ને! એ લેડીએ પોતાના બાળકો માટે એનો ધોમ-ધખતો બીઝનેસ સંકેલીને જય વસાવડાને એમના મમ્મી એ ભણાવ્યા છે એ રીતે હોમસ્કૂલીંગ કરે છે.

 

5- ગુજરાત સમાચારમાં સુપાર્શ્વ મહેતા નો ગુજરાતી/અંગ્રેજી માધયમ પર (16-01-09)નો લેખ..

http://www.gujaratsamachar.com/beta/News-Views/nv160109-1.html

 

 

6- છેલ્લે, આજે દિકરા કસકની સ્કૂલમાં એક્ઝીબીશન હોવાથી અને એણે પણ પાર્ટ લીધો હોવાથી એને સ્કૂલ છોડવા વહેલો ગયો… અને જે અમુક વસ્તુ એ ધ્યાન ખેંચી લીધુ એ વાત પહેલા કરીયે અને પછી જનરલ…


 

હા, તો કિડઝી-હાઈ સ્કૂલ માં પ્રવેશતાં દિવાલો પર અમુક ચોપાનિયા પ્રકારની ઇન્સ્ટ્રકશન જાણે આપણને હાથ પકડીને ટોકતા હતા અને એમા લખેલ હતું કે > > > > >

સ્પીક ઇન ઇંગ્લીશ ઓન્લી ! સ્પીક ઇન ઇંગ્લીશ ઓન્લી ! સ્પીક ઇન ઇંગ્લીશ ઓન્લી !

 

એ વાંચતા થયું કે માળુ , આ તો શિર્ષાસનનું પણ શિર્ષાસન?! કદાચ કોઇને એમ થાય કે પહેલા અંગ્રેજી માધ્યમમાં બેસાડો છો અને પછી આવી આવી વાતો પર વાંધા-વાંચકા કાઢો છો? તે એ વિશે મારો જવાબ છે કે ભાઈ( કે બહેનજી ) કસકને સ્કૂલની પસંદગી કરાવતી સૌ પ્રથમ ગુજરાતી મીડીયમમાં જ ગયો હતો પણ ત્યાં સ્કુલનો અંગ્રેજી પ્રત્યેનો એટીટયુડ પણ કંઇક આ જ પ્રકારનો હતો..મતલબ કે અંગ્રેજી વિરોધી! એકબીજી ભાષા પ્રત્યે વિરોધ શા માટે? જેમ માત્ર ગુજરાતી જ બોલવું લખવું અને અંગ્રેજીથી આભડછેટ રાખવો એ ગલત એમ અંગ્રેજી મિડીયમ વાળાઓ પણ બાળકોને સુચના આપે કે ઘેર પણ અંગ્રેજીમાં જ વાત કરવી! અરે ભાઈ તો છોકરાએ ગુજરાતી બોલવું ક્યા, ક્યારે અને કોની સાથે?! આ વાતમાં ચંદ્રકાન્ત બક્ષી સાહેબની વાત યાદ આવ્યા ન રહે, તેમના પુત્રી રીવા બક્ષીએ કહ્યુ છે કે ડાયનીંગ ટેબલ પર હંમેશા ગુજરાતી જ બોલવું એવો એમનો આગ્રહ હતો અને એ આપણે ગુજરાતી તરીકે ગર્વ લેવા જેવી વાત છે, અંગ્રેજી ન આવડતુ હોય અને જખ મારીને ગુજરાતી બોલવુ એ આ વાતમાં સામેલ નથી. તકલીફ એ છે કે માતા પિતા પણ પોરસાઈને એવી જ વાત કરે કે ફલાણી સ્કૂલમાં અંગ્રેજીમાં જ વાત કરવી પડે અને ન કરો આટલા રૂપિયાનો દંડ! અને યાર આગ્રહ અને દુરાગ્રહ અને પૂર્વાગ્રહને તો કોઇ સમજો!

 

બીજી એક વાત કે આજ કાલ શિક્ષણ પ્રત્યેની જાગૃતિ વધી છે એ સાચુ પરંતુ સજાગતા નથી, મતલબ કે સમજણ સાથે નહી. યા તો પેરેન્ટસ  શિક્ષકના પગમાં અહોભાવ થી પડી જાય યા તો એમની પધ્ધતિને ટોકયા કરે કે આવા છે ને તેવા છે .. આખી એજ્યુકેશન સીસ્ટમ જ બેકાર છે બદલાવાની જરૂર છે! બોલો આવા લોકો એવી રેતી વાતો કરે જાણે સાયકલનું ટયુબ બદલવાનું છે.. એમને ધીરે રહીને પુછીયે કે તમારા હિસાબે શું બદલવું જોઇએ? તો જીભડીમાં ત ત પ પ થવા માંડે ! એઝ એ પેરેન્ટ એ વાત કબુલ કરવી જ  પડે કે આપણે અગર એક કે બે બાળકને સંભાળવામાં નાના પડતા હોઈએ તો એમને (શિક્ષકોએ) તો 40થી વધુ સંખ્યાને હેન્ડલ કરવાની હોય છે! અગર કોઇ એવુ બહાનું ધરે કે એ તો એનું કામ હોય ને? તો એ કામમાં દખલ પણ આપણે જ દઈએ છીએ ને? આપણે પણ થોડું બદલવુ જોઇએ, અત્યાર કંઇ ઋષિ મુનીઓ નથી ભણાવતા કે એમને કંઇ અપેક્ષા કે જવાબદારી વગેરે ન હોય! સરકારી શિક્ષકોને બાદ કરતા શાયદ પ્રાયવેટ સ્કૂલમાં આપણે જે લાખ લાખ રૂપિયા ફી ભરીએ છીએ એ બધી ક્યા જાય છે એનો કોઇએ વિચાર કર્યો છે? શ્યોર નથી પરંતુ એ ફી માંથી બહુ ઓછો ભાગ ટીચર્સના ભાગે આવતો હશે, મેનેજમેન્ટ અને ઇ ન્ફ્રાસ્ટ્રકચર જ મોતો ભાગ ઓહિયા કરી જતો હશે.

 

એની વે,મુખ્ય વાત એ છે કે બે ભાષા કે પેરેન્ટ-ટીચર આમને સામને આવવાથી જે  મુખ્ય છે એટકે આપણુ સંતાન અને એમના માટે સ્ટુડન્ટ, એનું શું? પેરેન્ટ ટીચર્સની અને ટીચર્સ પેરેન્ટ તેમજ સ્ટુડન્ટની ગલતિઓ કાઢવાની બંધ કરી એક બીજાને સહયોગ કરે તો જ સાચુ કદમ કહેવાશે. અધરવાઈઝ એણે તો આપણે અને સ્કૂલ કહીએ એટલા માર્કસ/ટકા લાવવાના? ન લાવે તો? !

 

હવે એ મુખ્ય સ્ટારની (બાળક/સ્ટુડન્ટની) વાત કરીયે તો તારે ઝમી પર સરસ મુવી હતી/છે, આમેય આમીર ખાનનો પ્રસંશક છું પરંતુ એ મુવી પરથી લોકોએ પેરેન્ટ અને ટીચરને દોષી સમજવા માંડ્યા. કયા માત-પિતા આ રીતે ફુલ ટ્રાફીક વાળા રસ્તા પરથી પોતાના બાળકને ઘુમવા દેવાની તરફેણમાં છે? કયા માત-પિતાનો પિત્તો નહી જાય જ્યારે એનું બાળક પોતાનું પેપર કુતરાને ખવડાવી દે? અને બધા ટીચર અગર ખરાબ હોય તો રામ (આમીર) શું હતો? સો વાત ની એક વાત કે માત-પિતાની પહેલી ફરજ પછી ટીચરની અને બાળકની પણ ખરી જ. આમાંથી એક પણ ખુણો ખોતો હશે તો શિક્ષણનો ત્રિકોણ બની શકે?

Advertisements

4 ટિપ્પણીઓ

Filed under એજ્યુકેશન એન્ડ પેરેન્ટીન્ગ, ગુજરાત_ગુજરાતી

4 responses to “સપ્તાહનું સરવૈયુ

  1. Rajnibhai,

    “Child-centrered attitude” expected from school,teacher or parents and then leave everything upto child. And about Ram- he has trust,respect and love for child…unfortunetly most of us lacking it.

  2. રજનીભાઇ, એક પુસ્તક રૂટ્સ એન્ડ વિંગ્સ વાંચવા જેવું છે. વધુ માહિતી જોઇતી હોય તો કહેજો..

  3. સાહેબ,
    ઓરીજનલ રંગમાં જોઇ હાસ થઈ. “રજનીભાઇ” નામની એક વ્યક્તિને ચાહી હતી,માણી હતી અને તેની સાથે અમુક પળો જીવી હતી તે આભાસી નહતી તેની આજે ખાતરી થય. તમારા આ નવા અવતાર માટે શુભકામના.
    લખવાનું ઘણૂ છે, પણ આજે નહી. આજે તો તમને આ રીતે જોયા એની ખુશી બહુ છે. પછી ક્યારેક વિગત વાર મળીશું.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s