Introduction_Contact

બ્લોગ જગતમાં જેમ જેમ બ્લોગની મુલાકાત લઉ છું તેમ તેમ ખબર પડતી જાય છે કે લગભગ દરેક લોકોએ પોતાનો પરિચય આપ્યો છે તો થયું કે મારે પણ કંઇક લખવું જોઇએ પણ પોતાનો પરિચય આપવો એ સૌથી મોટો કંટાળો કહેવાય. ગમે તેટલું લાંબુ લખીએ તો પણ અધુરાશ લાગે અને ગમે તેટલું ટુંકાવાનો પ્રયાસ કરીએ તો પણ દિર્ઘસુત્રી હોય એવો અહેસાસ થાય .

સરવાળે, અલગ અલગ બ્લોગની મુલાકાત લઈ એમાંથી થોડી “કોપિ” (આચાર સંહિતા) અને ઓરકુટ પર હતો ત્યારની અમુક મેટર, આ બધાનું મિક્સીંગ કરીને  ટ્રાય મારીયે, જો કે કાર્તિક મિસ્ત્રીને મારા (અપ)લખણની ખબર છે એટલે ઘણા સમય પહેલા જ કહ્યુ હતું કે જો જો ઓરકુટ જેવું ન લખતા!

કોપિ કરવી જ હોય તો શરૂઆત લલ્લુ પંજુની બદલે ગુજરાતી સાહિત્યના શિરોમણી એવા બક્ષીબાબુના જ ક્વોટથી કરૂ તો તેઓ પોતાની કૃતિ/સર્જકતા વિશે કહેતાને કે કલાકાર પોતે જ પોતાની સર્જનપ્રક્રિયા સમજાવવા બેસે એ બીજાઓને ફાવતું હશે, મને બહુ ફાવતું નથી. પોતાના હાથે જ પોતાનું સ્તન દબાવ્યા કરતી સ્ત્રીને કયો આનંદ મળતો હશે? એ અનૈસર્ગિક છે, અવૈજ્ઞાનિક છે.

એ સિવાય  સ્વપ્રશસ્તિમાં માટે ગયા ઑકટોબરમાં મિત્ર નેહલ મેહતાએ કરેલ સ્ક્રેપ ટાંકું તો એમણે કહેલું કે જય વસાવડા, ગાંધીજી, અમિતાભ બચ્ચન, લાલ બહાદુર શાસ્ત્રી, સરદાર પટેલ અને રજની અગ્રાવત! ઑક્ટૉબરમાં મહાનુભાવો જ જન્મેછે.દશેરા અને જન્મદિવસ એક જ સાથે હોય એવી ખુશકિસ્મતી દરેકને ક્યાં મળે છે?

હા, તો હું ઑક્ટોબર 09, 1968નાં રોજ જામનગર જીલ્લાના જોડિયા તાલુકાના ધુળકોટ નામના નાના ગામડામાં જન્મયો. અને છેલ્લા વીસેક વરસથી કર્મભૂમી ગાંધીધામ (કચ્છ)માં ઇલેક્ટ્રોનિક્સ ફિલ્ડમાં 1994થી નાનો એવો બિઝનેસ કરૂં છું.

2001નાં ગુજરાતમાં આવેલ ધરતીકંપ વખત સુધી ઇલેક્ટ્રોનીક્સ લાઇનમાં હોવા છતાં ઇન્ટેરનેટ શું કહેવાય એ ખબર જ ન હતી પણ એ વખતે લોકો નેટની બહું વાતો કરતા અને નેટ જગતમાં , ઇમેઇલ – યાહું મેસેન્જરની વાતો ને નજદીક થી જાણવાનો પ્રયાસ કરતો રહ્યો છું, સાહિત્ય અંગેના લગાવને પારખી મિત્ર કમ એક્સ બૉસ પરેશ ભેદાએ ઓરકુટ જોઇન કરવાનું સુચન કર્યું , ત્યાંથી એટલું બધું મળ્યુ છે કે ઓરકુટ છોડ્યા પછી પણ મારી વાતોમાં એ અકસર ઝળકતું જ રહે છે અને મેં કદી એ છુપાવાનો પ્રયાસ પણ નથી કર્યો.

24 એપ્રિલ 2008નાં રોજ બ્લોગની  શરૂઆતમાં આગમન વિશે કહી ચુક્યો છું એટલે પૂનરાવર્તન નહી કરું, સંપર્ક વિશે કહું તો આ બ્લોગ ઉપરાંત યાહુ-મેઈલ-આઇડી પર પણ સંપર્ક થઈ શકે.

(અપ ડેટ – 21 જુલાઈ 2009)

ઓરકુટ પર 23 જુન 2009ના રોજ રી- એ ન્ટ્રી કરવી પડી…