e-magazine= The Readers

Jump to Comments

ચાણ્ક્ય કહેતાને કે એક શિક્ષક ક્યા નહી કર શકતા? એવું જ હમણા ફિલ થયું કે  અદના વાંચકો પણ શું ન કરી શકે?

જે લોકોને ભાન જ પડતી નથી હોતી તેવા  કોમ્યુટર, નેટ અને આવી ટેક્નોલોજીના વિરોધીઓની (અવૈદ્ય સંબંધો , સેક્સી ફોટા વગેરેની ગંદી)સોચને લપડાક મારે એવું કામ થતું રહેતું હોય છે એમાં એક છોગું ઓર ઉમેરાયુ.

રમત રમતમાં એક સાલ પહેલા ઓરકુટ પર એક કોમ્યુનિટી  ગુજરાતી=મેગેઝિન, છાપા અને કોલમ ની રચના થઈ અને હમણાં એક વરસ પૂર્ણ કરતા ઇ-મેગેઝિન બનાવવાનો તુક્કો લડાવ્યો. અને એ તુક્કાને તીરમાં પલટાવવા અથાગ પરિશ્રમ કર્યો તેમજ કરાવ્યો.

અમારી ટીમનાં જ ખાલી વખાણ બે મતલબ છે જો અમને બે મહાનુંભાવોનો  (છેલ્લી ઘડીયે માંગ્યો છતાં પણ) સાથ ન મળ્યો હોત તો! એક છે સૌરભ શાહ અને બીજા વિનય ખત્રી. બન્ને સાથે એટલી આત્મીયતા બંધાઈ ગઈ છે કે હવે શ્રી વિશેષણ વાપરવું જરૂરી નથી લાગતું

2જી જુનની સવાર પડે ત્યાર પહેલા  ઇ-મેગેઝિનની લિન્ક મૂકી દેવાની એક જીદ મનમાં હતી. પહેલી જુને સવારે વિચાર આવ્યો કે મેગેઝિન માટે ધૈવત ત્રિવેદીએ આટલી મહેનત કરી હોય , અતિ અતિ વ્યસ્તતા  વચ્ચે જય વસાવડા અને ઉર્વિશ કોઠારી જેવા સાહિત્યનાં ખેરખાં અગર ઇન્ટર્વ્યુ આપવા તૈયાર હોય તો  જો હવે વિમોચન જેવું પણ કંઇક થાય તો અને એ પણ એવા જ કોઇ સુપર-ડુપર સેલીબ્રેટીથી તો  ચાર-પાંચ ડઝન ચાંદ નહી પણ સૂર્ય ઝળહળતા હોય એવું જામો-કામો ને જેઠવા જેવું કામ થઈ જાય!

બસ પછી તો સંકોચ સાથે સૌરભભાઈને ફોન જોડ્યો, જાણે દિવાસ્વપ્ન જોતો હોવ એમ એમણે એવો હુંફાળો પ્રતિસાદ આપ્યો કે આઇ કાન્ટ એક્સ્પ્રેસ ઇન વર્ડઝ. 2 વાગ્યે સૌરભભાઈ પાસે મેગેઝિનની પોણો સો પાનાની કાચી સામગ્રી પહોંચી જે એમણે માત્ર ત્રણ કલાકમાં વાંચી જ નહી પરંતુ ધ્યાનપૂર્વક વાંચી અને એક-એક મેટર પર એમણે ટીપ્પણી પણ તૈયાર રાખી જે તેઓએ મને ફોન પર લખાવી!

એમણે તો એમનું કામ પતાવ્યું પણ હવે મારી મુંઝવણ વધી કે 5-6 ફૂલસ્કેપ સ્પીચને ટાઇપ કેમ કરૂં અને એમને મોકલું કઈ રીતે? કેમ કે જેમ  સારા કામમાં સો વિઘ્ન આવે એ રીતે મારૂં નેટ પણ 3-4 દિવસથી બંધ હતું !

પણ એમ હાર માનવી ન હતી, એટલે ત્યારબાદ પકડ્યા  વિનય ખત્રીને. 10 વાગ્યાથી મેં  ઝડપથી લખેલી , સ્પીચ એમણે ત્યાં પૂણે બેઠા રાતના પોણા બાર સુધી ટાઇપ કરવાની જહેમત લીધી!

હવે હું  તો  છુટ્ટો થયો પરંતુ સૌરભભાઈ, વિનયભાઈ, નિરવ સાકરિયા વગેરે મિત્રો ઓરકુટ પર આનું વિમોચન કરવામાં, ટેકનીકલી અને ભાષાકિય ભૂલો નિવારવામાં લાગી પડયા, આખરે આખી આખી રાતના ઉજાગરાએ રંગ લાવ્યો અને એ રંગના મેઘધનુષ્યને આપ પણ જરા નિહાળો, માણો . આશા જ નહી , શ્યોર છું  કે આપને ગમશે જ .

ઇ-મેગેઝિન – THE READERSના  બે વર્ઝન છે , એક સ્ટાન્ડર્ડ સ્ટાઇલ છે  અને એક (લાર્જ સાઇઝ વાળુ)  ફ્લીપ સ્ટાઇલ  છે. જે આપ નીચેની લિન્ક પરથી ડાઉન લોડ કરી શકો છો.

અંતમાં સૌરભભાઈ – વિનયભાઈના ઉમળકા ભર્યા સહકાર અને મહેનતને સલામ. થેંક્યુ દોસ્તો.

Standard Copy

http://www.4shared.com/file/109370912/9a7634dc/The_Readers-1.html

Flip  Copy

http://www.4shared.com/file/109506728/1a02c3da/the_readers-1

11 Comments

Filed under ગુજરાત_ગુજરાતી, વૃતિ - પ્રવૃતિ, સાહિત્ય

Tags: ઇ-મેગેઝિન, ગુજરાત_ગુજરાતી, ધૈવત ત્રિવેદી, ન્યુઝ, સૌરભ શાહ, e-Magazine=The Readers, Information, orkut