પ્રથમ ચરણ

Jump to Comments

પહેલી પોસ્ટ યાને પહેલુ પગથિયુ… પગ ધ્રુજે? ના ના અહિં તો હાથ ધ્રુજે , “બીક” ના માર્યા નહી.. ઘણી બધી લાગણીઓ એક સાથે ઉમટતિ હોય ત્યારે આવુ સ્વાભાવિક છે. આ લાગણીને ઘોડાપુર તો ન કહેવાય પરંતુ ગાડરીયો પ્રવાહ પણ શા માટે કહેવુ? હા આને વહેતી ગંગામાં ડૂબકી મારવી જરુર કહેવાય.

• એમ લાગે છે કે જાણે મેં કોઇ મોટી ધાડ મારી લીધી!
• નવો સવો હોવાથી નિતિ(?) નિયમ ની કંઇ ભાન હોય નહી એટલે કોઇ વાંચીને હસશે તો?
• ઓરકુટે મને બે હાથેથી નહી પણ હજારો હાથે ઘણું આપ્યુ જેની કલ્પના બિલ્કુલ ન હતી, સાહિત્ય, બક્ષી બાબુ, સારા વિચારો વગેરેથી દૂ..ર ભાગી જવાયુ હતુ , માનો કે ગાડી અવળે પાટે ચડી ગઈ હતી, ઓરકુટે ફર્સ્ટ ક્લાસ એ.સી. જેવી શીતળતા આપી એટલે આ બ્લોગ પ્રત્યે લાલચ વધી રહી છે કે આ બી શાયદ મારા જેવા “પાંચવી પાસ” માણસને કદાચ “ઉમ્મિદથી દસ ગુણા” આપશે. ગુજરાતી રહ્યો ને ? ઓછુ તો ખપે જ નહી , કેમ કે

નિશાન ચૂક તો હજીએ કોઇ માફ કરી નાંખે પણ …..
-x-x-x-x-x-x-x-x-x-x-x-x-x-x-x-x-x-x-x-x-

આ બ્લોગ ચાલુ કરવા માટે ત્રણ “પરિબળો” જવાબદાર છે.

1 – પરેશ ભેદા , મારા મિત્ર અને ભુત(!) પૂર્વ બોસ. ( ઓરકુટ પરના મારા લખ્ખ્ણ અને લખાણ જોઇને એમણે ઘણા સમય પહેલા જ સજેસ્ટ કર્યુ હતુ.

2- કાર્તિક મિસ્ત્રી , જેમનો બ્લોગ જોઇને મન થયુ, પરંતુ એ ભાઈ પાસે સમય નો દુક્કાળ!

3 – હિમાંશું કીકાણી – બુધવાર 23, એપ્રિલના રોજ એમણે ‘દિવ્યભાસ્કર’ ની ‘કળશ’ પૂર્તિમાં લખ્યુ કે એકદમ સરળ છે.

બસ, તો પછી હવે જો માથુ કુટવાનુ કે મારવાનું મન થાય તો ઉપર આપેલ લીસ્ટ યાને “નામાવલિ” ને ચેક કરી લેજો.

17 Comments

Filed under ગુજરાત_ગુજરાતી, વૃતિ - પ્રવૃતિ

Tags: ગુજરાતી બ્લોગ, ગુજરાત_ગુજરાતી