9 જુલાઈના રોજ રખડપટ્ટીની એક પોસ્ટ કરી હતી અને બ્રેક લીધો હતો એ બ્રેકને હવે બ્રેક લગાવી એક્સીલેટર દબાવીએ તો …..
ચારવા રખાલ/પ્રાગસરથી અમારૂં ઝુંડ ભુજની હોટેલ પ્રિન્સમાં પેટ પુજા કરવા નીકળ્યું અને ત્યાંથી રૂદ્રાણી ડેમ તરફ.
સ્વાગતમ
રૂદ્રાણીમાતાજીના મંદિરમાં આવું સ્વાગત કોઇને માફક ન આવે તો હવે પછીનો ફોટો જોઇ લો..
શેર કે સાથ બબ્બર શેર
આ ફોટા બાદ અગર ડેમના ફોટાની અપેક્ષા હોય તો સોરી! ડેમમાં પાણી તો ન હતું સાથે સાથે મોબાઇલની બેટરી પણ ડાઉન ! એટલે પાણી વગરના ડેમની તસ્વીર અહિં નહી (ઘણા લખે છે એમ ) અમારા દિલમાં કોતરાઈ ગઈ છે..હા હા હા.
ચાલો તો હવે ભાગીએ છીએ ભુજનાં હિલ ગાર્ડન તરફ…
skeleton of Asia's biggest 75-feet blue whale @ Hill Garden - Bhuj
skeleton of Asia's biggest 75-feet blue whale @ Hill Garden - Bhuj
skeleton of Asia's biggest 75-feet blue whale @ Hill Garden - Bhuj
જેટલો ચાર્મ આ ફોટા જોવામાં આવે એટલો તો ઠીક પણ એનાથી ડબલ અફસોસ થાય જ્યારે આ સ્કેલટનની જે હાલત જુઓ! આપણે કેમ કોઇ વસ્તુને માવજત નહી કરી શકતા હોય? એકદમ ઢંગ ધડા વગર રીતે એનું મેઇન્ટનન્સ(?) થાય છે! માત્ર પાંચ રૂપિયાની ટિકિટ રાખી છે એ કદાચ એક કારણ હોય! ઘરકી મુર્ગી દાલ બરાબર તો જુનું કહેવાય હવે તો એમ કહેવાય કે ઘરકા સ્કોચ લઠ્ઠા બરાબર ? પરંતુ “ડોમ” માં જાવ તો આ કેટલી મહત્વની જણસ છે એ સમજાવા કોઇ ન મળે! હા ત્યાં ઝીણા અક્ષરે ચોપાનીયા જેવું છે એમાં અંગ્રેજીમાં માહિતી આપી છે કે આ “પીસ” ને કંઇ રીતે મુકાયુ , આપણે આ ડિટેઈલ વાંચવાઅને હિલ ગાર્ડનના વધું ફોટા જેવા (કુણાલ ધામીની મદદથી ) નીચે લિન્ક આપેલ છે ત્યાં લટાર મારવી રહી.
http://www.dnaindia.com/india/report_hill-garden-at-bhuj-a-big-draw_1254998
http://www.bhujada.com/photogalleery3.htm
વધુ માહિતિ કોઇ પાસે હોય તો પ્લીઝ શે’ર કરશો.
Categories: વૃતિ - પ્રવૃતિ
Tagged: 75 ફિટ વ્હેલ, પ્રવાસ, ભુજ, રખડપટ્ટી, રૂદ્રાણી ડેમ, હિલ ગાર્ડન
જુન 18, 2009ના રોજની મારી એક Short_Sweet-II પોસ્ટ પર બે બુઝર્ગો નામે સુરેશ જાની અને રાજેન્દ્ર ત્રિવેદી એ કોમેન્ટ કરીને મને “આંગળી” કરવાની કુચેષ્ટા કરી છે. એ બાબતે થોડા મુદ્દા.
1 - આજ દિવસ સુધી કોઇપણ વ્યક્તિની કોઇ પણ કૃતિની (ચાલાકી પૂર્વક) ઉઠાંતરી કરી નથી.
2 – આજ દિવસ સુધી મેં કદી પણ કોઇને મારો બ્લોગ જોવાની કે એમાં કોમેન્ટ લખાવાની હિમાયત કરી નથી.
3 – આજ દિવસ સુધી મેં લોકોની ઉંમર અને પ્રતિષ્ઠાને ધ્યાનમાં રાખીને એલફેલ બોલ્યો નથી, કારણકે એવું ન કરવાના મને સંસ્કાર મળ્યા છે.
4 – ઉપરોક્ત બન્ને મહાનુભાવને કહેવાનું કે હું નિવૃત કે સરકારી કર્મચારી નથી. બિઝનેસ કરૂ છું સમયની મારામારી હોય એ સમજી શકતા હશો છતાંપણ કહું છું કે જો દલીલ કે ચર્ચા કરવી હોય તો ખુલ્લમ ખુલ્લા કરીયે, ઇ-મેઈલ પર પણ નહી. એકવાર ચર્ચા શરૂ કરીએ પછી ઉંમર વગેરેના કોઇ કારણો ન આવવા જોઇએ.
5 – તમારા લોકોની કોમેન્ટનો સુર એવો નીકળે છે કે જાણે મેં કોપિ કરી હોય! પરંતુ “મોટાભાઈ” બન્ને પોસ્ટની તારીખ ચકાસો.
6 – ધુમ્રપાન સ્વાસ્થયને હાનીકારક છે એવી ખૂણે ખાંચકે કે તળિયે દેખાય એ રીતે નહી પરંતુ મેં પોસ્ટની શરૂઆતમાં લખેલ છે કે મિત્ર જયેશ ભેદાના (ફોર્વડેડ) ઇ-મે ઈલમાંથી સાભાર.
Categories: વૃતિ - પ્રવૃતિ
Tagged: અકલ-નકલ, એક ઘા -ને બે કટકા, ખાંખાખોળા, ગુજરાતી બ્લોગ, બ્લોગ આચાર સંહિતા, વાંધા વચકા
થોડા સમય પહેલા અમે ત્રણ મિત્રોના કુટુંબ કબીલા સાથે કચ્છમાં ક્યાંક એવી જગ્યાએ રખડવાનું મન થયું કે કંઇક “ટૉમેટો કેચ અપ” ની જેમ સમથીંગ ડિફરન્ટ હોય!
અલગ અલગ જ્ગ્યાના નામ લેવાતા ગયા, અને ચોકડી મારતા ગયા, આખરે ભુજ સ્થિત મિત્ર ક્ષિતિજ શુક્લાને પુછતા એણે એક જગ્યાનું નામ આપ્યું અને કહ્યું કે તેઓ ગયા તો નથી પરંતુ આ એક એવી જગ્યા છે જ્યાં ફરતા એમ નહી લાગે કે રણમાં છો, આખા કચ્છમાં અહિં જેટલી હરિયાળી ક્યાંય કલ્પી નહી શકો! એ જગ્યા એટલે ભુજથી માતાના મઢ, નારણસરોવર જતાં સામત્રા ટીવી રીલે સ્ટેશન આવે છે ત્યાંથી 4 કિ.મી. એક આડો રસ્તો ફંટાય છે અને એનું નામ= ચારવા રખાલ યાને પ્રાગસર.
પ્રાગસરમાં પ્રવેશ
ભુજમાં જ અંદાજ આવી ગયો કે આ જગ્યાતો કંઇક અલગ હોવી જોઇએ! કોઇએ આવું (વિચિત્ર) નામ સાંભળેલ ન હતું, ભુજથી 21 કિ.મી. સામત્રા તરફ પ્રયાણ કર્યું , ફરી સામત્રામાં એક પુછ-પરછ પણ કોઇને ખબર ન હતી! છેવટે એક બુઝુર્ગને આ વિશે ખબર હતી, એટલે સામત્રાથી 4 કિ.મી. ના અંતરે આવેલા એ વેરાન સ્થળે પહોંચ્યા!.
મગર અને માછલીઓથી તસતસતું તળાવ
ત્યાં ગયા તો એકદમ રાજાશાહી સ્ટાઇલ ……….. એટલે કે એમને કંઇ પડી ન હતી, રસ ન હતો. અને છતાંયે એન્ટ્રી અને પાર્કીંગના ચાર્જીસ “સરા એવા” . એ અલગ વાત છે કે પાર્કિંગ જેવું કંઇ હતું જ નહી ( જો કે મને એનાથી એક આઇડિયા આવ્યો હવેથી આપણા ઘરે કોઇ આવે તો આપણે પણ પાર્કિંગ ફિ લઈ શકીયે. ) એની વે, ત્યાં ચોકીદાર, કેર ટેકર કે જે કંઇ કહો એવા એક દરબાર હતા તેઓ સાથે ”સલુકાઈ” વાત કરી તો એમણે અમુક વાતો કરી-
1 – અહિં તળાવમાં 400 મગર રહે છે.
2- આ ગાર્ડન નથી, જંગલ છે અને તે 26 કિ.મી. માં પથરાયેલું છે.
3- વરસો પહેલા અહિં રાજા શિકાર માટે આવતા.
[ અમે 3 કલાકમાં દુ..ર દુ..ર એક જ મગર જોયો! કાર લઈ જવાની મનાઈ અને સાથે પરિવાર હોવાથી 2.6 કિ.મી. પણ અમે ચાલ્યા નથી ]
મારી કોઇ ડાળખીમાં પાંદડા નથી, મને પાનખરની બીક ન બતાવો
ત્યાં અમુક ક્વૉટ બહુ જ સરસ હતા અને સરસ રીતે લખ્યાં હ્તાં , કે આપણને કોઇ સ્કૂલ કે સરકારી પરીસરમાં હોય એવા આર્ટીફિશ્યલ અને સંવેદના-હિન ન લાગે. એજ રીતે આપણે જનરલી ગાર્ડન જ જોવા ટેવાયેલાં હોઇએ તો થોડી નવાઈ લાગે બાકી જંગલની મજા નિરાલી છે એ જોઇએ ત્યારે ખબર પડે કે અહિં કંઇ “ગોઠવી”ને નથી રાખ્યું, પરંતુ ખુદ કુદરતે સજાવ્યું છે.
છેને જક્કાસ બાકી?
ત્યાં નહિ અહિં જોઇને કહો કે છે ને જક્કાસ ?
કોણ જક્કાસ ? અરે ખાલી સાઇડ નહી ડ્રાઇવર સાઇડ જુવોની ભલા!
જેમ ઉપર વાત કરી કે અલગ અલગ ક્વૉટ તો અમુક સુચના હતી જેમાં સરસ સુચન હતું કે જો કુદરતને સાંભળવી હોય તો શાંતિ રાખો. પણ એમ આમણે મુંગા મરીયે? કલબલાટ કલબલાટ ! [કોનો એ પુછીને ધર્મસંકટમાં ન મૂકતા!]
ચાલી ચાલેને થાક્યા ચરણ તો યે ન પહોંચ્યા . . .
અહિંથી ભુજ ની હોટેલ પ્રિન્સના તોરલ રેસ્ટોરન્ટમાં પેટ પુજા કરી કાફલો નીકળ્યો રૂદ્રાણી ડેમ અને રિટર્ન ભુજમાં હિલ ગાર્ડન તરફ , પરંતુ અભી લેતે હૈ એક છોટા સા બ્રેક.
Categories: વૃતિ - પ્રવૃતિ
Tagged: ચારવા-રખાલ/પ્રાગસર - કચ્છ, પ્રવાસ, રખડપટ્ટી
આખું ગામ કૉપિ-પેસ્ટ કરતું હોય તો હું યે શા માટે બાકી રહી જાઉ? અલ્પેશ ભાલાળાનો આ લેખ જો કોઇને ભીંજવી ન શકે તો એ માણસ આખું આયખું કોરૂં ધાકોર માનવું.
http://amdawadi.blogspot.com/2009/06/blog-post_5174.html
અલ્પેશભાઈનો આ લેખ વાંચતી વખતે મને યાદ આવ્યું કે અમારા લગ્ન બાદનું (1991નું) પહેલું ચોમાસું, ગાંધીધામમાં હું 1100 રૂપિયાની નોકરી કરતો, મસ્ત વરસાદ આવતો જોયો (વરસાદ તો હંમેશા મસ્ત જ હોય છે ને?) અને પેલા ગીતની માફક મારૂં મન મોર બનીને થનગાટ કરવા લાગ્યુ હશે કે હું તુટેલું – ફુટેલું (કંપનીનું) લ્યુના લઈને ભાગ્યો 6 કી.મી. દુર આદિપુર, (જ્યાં અમે 300 રૂપિયાના ભાડાની એક ખોલી માં રહેતા! ) મારી વાઇફ (જયશ્રી) ને એ લ્યુના પર બેસાડી અને અમે આદિપુર ગાંધીધામની સહેલગાહ કરી, એવું લાગતું હતું જાણે હાથીની અંબાડી પર બેસીને રાજા-રાણી નગરચર્યા જોવા નીકળ્યા છે.
રણ પણ હોય શકે લીલા છમ્મ ... હમ્મ્મ
હવે ના તો એ તુટેલું ફુટેલું લ્યુના છે, ના તો એ નોકરી, હવે તો મન મોર બની ને થનગાટ કરવાને બદલે કલગી ભીંજાયેલા કુકડા જેવું મન થયું ગયું છે.
Categories: વાર/તહેવાર/પ્રસંગ/પર્વ · વૃતિ - પ્રવૃતિ · સંવેદના · સાહિત્ય
Tagged: અકલ-નકલ, અલ્પેશ ભાલાળાનો બ્લોગ, ગુજરાતી બ્લોગ, વરસાદ
કદાચ અતિશ્યોક્તિ લાગશે પણ જેમ સરકારી વકીલ ઉજ્જવલ નિકુમ્બ ત્રાસવાદી-આતંકવાદી વિરોધ/લડત (પોતાની ફરજના ભાગ રૂપે) ચલાવે છે તેમ ગુજરાતી બ્લોગ જગતમાં વિનય ખત્રી ઉંઝા જોડણી કે કૉપિ-પેસ્ટ બાબતમાં હંમેશા અગ્રેસર હોય છે ..
જોડણી બાબતમાં મારૂં અજ્ઞાન પણ અપરંપાર છે પરંતુ જાણી જોઇને ખોટી લખતો નથી કે અજ્ઞાનને છુપાવવા માટે પણ આવા બહાના ઠોકતો નથી. મારૂં તો એટલુ જ માનવું છે કે ખોટી જોડણીની ની ધરાર જીદ લઈને બેઠેલા અંગ્રેજીમાં ઉપર શિર્ષકમાં લખેલ છે એમ Spelમાં એક ”L” ઓછો ચલાવશો?
અને જો એ ચલાવવા માટે તૈયાર હો તો મને એક એસ.એમ.એસ. આવ્યો છે જે નીચે જેમ નો તેમ આપુ છું એને કઈ રીતે મૂલવશો?
if today not possible then arange meating ystday
આ એસ.એમ.એસ. મોકલનાર પ્રતિષ્ઠિત કંપનીનો માર્કેટીંગ એક્ઝીક્યુટીવ છે, જેણે બી.એસ.સી સુધીનો અભ્યાસ કરેલ છે!
Categories: ગુજરાત_ગુજરાતી · વૃતિ - પ્રવૃતિ
Tagged: ગુજરાત_ગુજરાતી, વાંધા વચકા, SMS
મિત્ર જયેશ ભેદાના (ફોર્વડેડ) ઇ-મે ઈલ માંથી સાભાર.
થોડાક શબ્દો ઉચ્ચારવાથી અગ્નિની સાક્ષીએ લગ્ન થાય છે…
અને થોડાક વધુ શબ્દો ઉચ્ચારવાથી ઘરમાં અગ્નિનો સાક્ષાત્કાર થાય છે!!
સંતાનને સારા સંસ્કાર આપવા ગમે તેટલા પ્રયાસ કરો…
આખરે તો એ મા-બાપને જ અનુસરશે!!!
બરફ જેવી છે આ જીંદગી…
જેનો ભુતકાળ પણ પાણી અને ભવિષ્યકાળ પણ પાણી….
પ્રશ્નો તો રહેવાના જ…
સુખી લોકોને પ્રશ્ન થાય કે શું કરીએ તો ભૂખ લાગે..
અને દુઃખી લોકોનો પ્રશ્ન છે કે ભૂખ તો લાગે છે, પણ શું કરીએ?!!!
ઇશ્વરનું બેલેન્સ કેવું અદભુત છે…
પાંચ મણ ઘઉંની બોરી ઉપાડી શકે તે મજુર એકી સાથે ખરીદી ના શકે;
અને જે ખરીદી શકે છે તે શેઠ તેને ઊપાડી ના શકે.
કેટલાક લોકોનું દિલ દરિયા જેવું વિશાળ હોય છે, જેમાં એક ચકલું ય પોતાની તરસ ના છિપાવી શકે!!!
અને છેલ્લે….
શ્વાસ ખુટી જાય અને ઈચ્છાઓ બાકી રહી જાય…….તે મોત.
ઈચ્છાઓ ખુટી જાય અને શ્વાસ બાકી રહે …………તે મોક્ષ.
Categories: રમૂજ · વૃતિ - પ્રવૃતિ
Tagged: અકલ-નકલ, રમૂજ, હાસ્ય, email, Information
નીચે આપેલ મેટર એક અલગ પેજમાં જ બનાવેલ, હવે એ પેજ ડીલીટ કરીને પોસ્ટ બનાવવાનું વિચાર્યું છે.
1- ઉપદેશાત્મક વાંચતા, સાંભળતા કે કહેતા પહેલા જરૂરી છે – ભૂલ !
( મૌલિક )
2- માણસ મોટાભાગે દુશ્મનો પાછળ જેટલો સમય બગાડતો હોય છે,
એટલો સમય મિત્રો પાછળ આપતો નથી !
(જય વસાવડા)
3- સાઘુ મહારાજ:- અમે વર્ષો સુધી ચૂપ રહીએ અને એને મૌનવ્રત કહીએ.
પુરુષ શ્રોતા :- પણ સ્વામી અમે તો એને લગ્ન કહીએ છીએ.
(ડૉ. હંસલ ભચેચ અને SMS માંથી)
4 > – આપ મુવા વિના સ્વર્ગે ન જવાય (કહેવત ભંડાર)
>>- BUT I Don’t Like સ્વર્ગ હો!
(તારીખ : 17-02-2009)
આજે પહેલીવાર (ભાસ્કર ગૃપનું) અહા! જિંદગી જોયુ અને એ પણ જુનું ! તો ખબર પડી કે સાલું આ તો ભૂલથી “મિસ્ટેક” કરી! એટલે કે એ મેગેઝિનમાં પ્રમોદ બત્રાનો ટૂંકું ટચ નામનો વિભાગ છે! જ્યાં આ જ રીતે વીણેલાં મોતી પથરાયેલા છે. એની વે, આ ક્યાં કોપિ રાઇટ ભંગ જેવો કેસ ગણાય? એના કરતાં ત્યાંના અમુક મોતી અહિં સેરવી લઉં તો કેમ?
5- પતંગિયું હંમેશા ભૂલી જાય છે કે પોતે પણ એક સમયે કીડો હતું.
6- ખોટું કરવા માટેની કોઇ સાચી રીત નથી.
7- ઊંદરદોડમાં મુશ્કેલી એ છે કે જીતી ગયા પછી પણ તમે ઊંદર જ રહો છોં.
Updated on 26-02-2009
8- આતંકવાદ કે આતંકવાદીને કોઇ ધર્મ હોતો નથી. તેવું કહેવાની ફેશન થઈ પડી છે. દરેક ધર્મનાં કટ્ટરપંથીઓ ત્રાસવાદના ઉપાસકો હોય છે અથવા બની જાય છે, પણ ધર્મ અને ધાર્મિક ઝનૂન ત્રાસવાદને પોષણ આપતું મજબૂત પરિબળ છે. =નગીનદાસ સંઘવી (‘તડ અને ફડ’, “દિવ્ય ભાસ્કર”, 25-02-2009)
9 – દાદા છે પણ દાદી નથી!
ભાઈ છે પણ ભાભી નથી
નવરો છે પણ નવરી નથી!
રોજી છે પણ રોટી નથી!
બોલો આ શું છે?
.
.
.
>>>>>> દાદાભાઈ નવરોજી <<<<<<<<
( માણસો કેવા હોય છે? કંઇ ન મળે તો બ્લોગ પર એસ.એમ.એસ. ઠપકારે ! બહુ ખોટું ને? )
Updated on 06-03-2009
10 - ગાંધીજીના વિચારો એટલા બધા ફેલાયેલા છે કે અહમદ પટેલથી ઝીણાભાઈ દરજી સુધી (ગુજરાતી રાજકારણના ‘એ’થી ‘ઝેડ’ સુધી) ગમે તે માણસ ગાંધીજીના નામે ગમે તે હાકલ કરી શકે છે. = ચંદ્રકાન્ત બક્ષી
સ્ત્રોત – http://bazmewafa.wordpress.com/2009/03/06/gandhiji_cbaxi/
Categories: રમૂજ · વૃતિ - પ્રવૃતિ
Tagged: અકલ-નકલ, ખાંખાખોળા, ગુજરાતી બ્લોગ, ચંદ્રકાન્ત બક્ષી, ટૂંકુ ટચ, દિવ્યભાસ્કર, રમૂજ, હાસ્ય, Information, Short & Sweet, SMS
પ્રિય દિકરા,
યાદ છે તને?
તું નાનો હતો, આપણે પાના રમતાં,
તું હંમેશા જીતી જતો અને હું હંમેશા હારી જતો
ક્યારેક ક્યારેક જાણી જોઇને પણ,
તું કોઇપણ હરીફાઈમાં જતો
ત્યારે તમામ શિલ્ડ અને સર્ટીફિકેટસ, મારા હાથમાં મુકી દેતો
અને ત્યારે મને તારા બાપ હોવાનો ગર્વ થતો
મને થતું હું દુનિયાનો સૌથી સુખી બાપ છું!
પરંતુ હવે….
આમ અચાનક,
તારા બાપને આટલી ખરાબ હદે હરાવીને
જીતાતું હશે….
મારા દિકરા..?
તારા બધાં શિલ્ડ, સર્ટીફિકેટસ તો મેં
હજુ સાચવી રાખ્યા છે,
પણ એનો અર્થ એ તો નથી ને,
.
.
.
.
.
.
.
કે તારું “ડેથ સર્ટીફિકેટ” પણ મારે જ સાચવવાનું? ! = એષા દાદાવાલા (સૂરત)
Categories: સંવેદના
આપણી ગુજરાતી કહેવત છે ને કે ભૂતને પીપળો મળી જાય. હવે એમાં કદાચ એમ ઉમેરો કરવો જોઇએ કે મોબાઈલ યુઝરને પીપળો (પાન) મળી જાય.
વાત જાણે એમ છે કે એક મિત્ર અજીત દવે દ્વારા એક એક ફોર્વર્ડેડ ઇમેઈલ મળ્યો, એટલે એ વાંચીને થયું કે ચાલો આને બ્લોગમાં શે’ર કરીયે, એક તો આપણા બ્લોગમાં એક પોસ્ટનો વધારો થાય અને બીજુ કે આમાં કેટલી સચ્ચાઈ છે તે પણ (કોઇ કોમેન્ટ લખશે તો ) ખબર પડી જાય.
મેઇલ નો તરજુમો કરવાને બદલે કૉપિ-પેસ્ટનો (આસાન) રસ્તો જ અનુકુળ રહેશે.
Now, you do not require any mobile charger to charge your mobiles. You only need to use green leaf of peepal tree and after some time your mobile will get charged.
No sooner the people came to learn about this development, they tested it and found encouraging results. If your mobile has been discharged and you are in a jungle where you cannot to use any charger, you should pluck two peepal leaves to recharge the battery. Though it is unbelievable but as soon as the residents of Chitrakoot came to know about the discovery they could not believe the news. But when they saw it practically then the incident proved true.
Step by Step guide to charge your mobile battery using peepal leaf
1- Open your mobile cover
2- Take out your battery
3- Take two to three fresh leaves of peepal/pipal/ashwattha tree
4- Touch the stub of these leaves on your mobile battery terminal for a minute
5- Clean the mobile battery terminal with the soft cloth
6- Put your battery again in your mobile and switch it on
7- Now you can see the result
8- If required repeat the process with fresh leaves.
|
|
|
|
|
|
|
|
Categories: વૃતિ - પ્રવૃતિ
Tagged: Information, Mobile
